黃金萬両|三房為金大碗鬥到分局 奶奶家燕姐親熱戲今上場

黃金萬両|三房為金大碗鬥到分局 奶奶家燕姐親熱戲今上場

一連八集嘅賀歲短劇《黃金萬両》,今晚年初七播出大結局。而初六晚播出嘅一集,萬紫千紅( 薛家燕 飾)要求三個寶貝囝做好麵店,又決定以當日嘅生意額分勝負,而三個新抱龍九( 麥美恩 飾)、小玉( 朱智賢 飾)同金枝( 江嘉敏 飾)就各出奇謀為老公催谷生意,不過三房人出盡旁門左道破壞萬家傳統,搞到有客人食完麵後身體不適,結果三兄弟萬帥( 曹永廉 飾)、萬年( 黃子恆 飾)同萬世( 馬貫東 飾)被送入衙門。


三位萬家公子為爭金大碗爭崩頭
千紅責備三子忘記初心,而大感慚愧嘅三子最終合力為媽媽煮麵,和氣收場。後來佢哋各自向老婆坦白,想放棄爭奪金大碗,點知妻子們就即時反對,最後三對夫婦大吵一場,搞到新年流流又話要休妻、和離同休夫…… 


幾個鄗抱仲各出奇謀無所不用其極
而今晚大結局,焦點自然落喺三對夫妻身上,三妯娌發毒誓唔會原諒老公,而三子亦承諾唔會心軟,但係佢哋又先後相繼和好,結果又要互相隱瞞,引發連串笑料。 本劇最大謎團「金大碗之謎」亦會喺今晚揭盅,結果令人意想不到。

大結局另一焦點,係家燕姐同劇中老公李成昌上演親熱戲,久未拍劇嘅家燕姐早前受訪時曾透露,已有成20年冇拍過親熱戲,仲笑言拍攝時怕醜面紅兼心肝仔卜卜跳,想知呢場親熱戲有幾激烈爆笑?就要留意今晚《黃金萬両》大結局播出喇。 


激到奶奶面口就真係變到萬紫千紅喇
《黃金萬両》劇情搞笑又溫馨,一班演員拍攝時亦相當愉快,官方連日來先後公開出爆笑花絮片,戲裏戲外都充滿歡樂,家燕姐係劇組「搞笑擔當」,除咗唔記得對白時會腦筋急轉彎即興自創,又會大講「鴨仔話」;另外江嘉敏就被「派錢幫你充撐場面」呢句對白連番考起瘋狂 NG,仲搞笑地自封垃圾打圓場。至於黃子恆、朱智賢就非常遴迍,先係戴着財神帽嘅子恆將頭飾揈向智賢俏臉,搞到對方Con都甩咁滯, 之後抱抱時智賢嘅髮髻又勾住子恆嘅財神頭飾,最終要出動工作人員打救,場面搞笑。

《黃金萬両》大結局 今晚(年初七)20:30 翡翠台

獎門人丨麥美恩化身神龍教教主戴高髮髻 黎諾懿瞓身喪玩懶理跌電話

黎諾懿、車婉婉、劉穎鏇、馬貫東、周奕瑋及獎老麥美恩組「台慶頒獎禮得獎者隊」,錄影《獎門人元宵感謝祭》,迎戰「奪命提示隊」張振朗、劉佩玥、郭柏妍、鄧智堅、區明妙及樊亦敏,兩支參賽隊伍輕裝上陣。

幾位獎老裝扮好有睇頭,錢嘉樂化身「花姐」花木蘭、麥美恩變《鹿鼎記》嘅神龍教教主、林正峰打扮成清朝格格;諾懿同劉穎鏇玩大電視非常投入,諾懿跳到連電話都飛埋出嚟,而「奪命提示隊」都唔輸蝕,派出身手敏捷嘅張振朗同劉佩玥瞓身去玩。

 相關推薦

熱門搜尋