肥媽紅館演唱會開鑼 嘉賓鼎盛憶亡夫泣不成聲

肥媽紅館演唱會開鑼 嘉賓鼎盛憶亡夫泣不成聲

肥媽 嘅一連兩場紅館演唱會,年初六正式開鑼演出,大班好友唔係到場欣賞就係送花支持,而肥媽仲以非常華麗嘅歌衫登台獻唱。呢晚嘅嘉賓陣容亦都非常強勁,好似早前喺《黃金盛宴》合作完嘅 馬浚偉 《聲夢2》嘅 Janees黃洛妍 仲有一班《中年好聲音》嘅選手都先後登場。
事後肥媽接受訪問,就話特別安排《好聲音》嘅參賽者演出,希望佢哋有更好發展同一嘗登上紅館嘅滋味喇。而Janees原來更加係同肥媽早已相識,早喺對方參賽前已經邀請,證明自己眼光唔錯咁話呀。

至於齊齊放低競爭上台表演嘅《好聲音》參賽者,就話非常Enjoy呢次紅館舞台體驗,仲話緊張到瞓唔著,Janees亦都話非常享受呀。而 李玟 日前傳出要接受手術,身為二家姐嘅李思林就話一度打算棄賽陪伴Coco喇。

呢日台上亦都有環節悼念同肥媽相依多年嘅亡夫,期間肥媽仲感觸到淚流不止呀。

李思林提起李玟難忍傷痛哽咽 直斥以AI令Coco「復活」行為不恰當

二家姐李思林自從妺妹Coco李玟離世後,有一段時間冇現身《中年好聲音》活動,呢日佢同《中聲2》嘅何弘軒出席活動,呼籲大家關注長者精神健康,見二家姐精神唔錯,但面對傳媒再度提起Coco,令二家姐忍唔住哽咽。

李思林話妹妹Coco嘅離世係佢一生人難以走出嘅傷痛,而今年係Coco出道30週年,知道粉絲正籌劃相關紀念活動,如果有需要幫手,佢隨時都好樂意。至於內地有網民以AI技術令Coco「復活」,二家姐指呢個行為好唔恰當,唔希望有人再以此進行商業行為。

講到媽咪高齡超過80,仲要承受白頭人送黑頭人嘅打擊,所以佢有時間會盡量多陪媽咪,尤其媽咪身體機能日漸衰退,所以要多啲耐性同媽咪相處,佢亦呼籲大家除咗關注老人家,都要關注照顧者嘅身心健康。

 相關推薦

熱門搜尋