與細佬及老婆張馨月遊主題樂園 林峯抱住前世情人個樣勁冧

難得新年唔使開工可以留喺香港，林峯當然要阿老婆張馨月同埋囡囡「格格」周圍玩啦！繼年初三同家人屋企人飯聚之後，呢日林峯一家，就同埋細佬一齊去咗主題樂園玩。

張馨月喺社交平台上載多張喺樂園玩嘅相，當中一張合照入面，見到抱住前世情人嘅林峯笑得相當開心，而同行嘅林峯細佬，則以兩手舉V扮兔仔，相當有趣。另外兩張相，張馨月就坐喺BB車上自拍，有網民留言問到囡囡「格格」係咪好鍾意去主題樂園？張馨月都有簡單回覆話係呀。