年初七係人日，傳統上係代表每個人嘅生日，所以周興哲、草蜢、JW王灝兒、衞蘭、梁漢文同埋樂隊 Supper Moment，去到澳門出席賀年演唱會時，都各自準備咗一份禮物送畀現場觀眾，加上呢個演出係澳門防疫政策放寬後嘅其中一個大型演出，所以吸引咗大批觀眾嚟欣賞，氣氛相當熱鬧。
Supper Moment 為演唱會打頭陣。
演唱會由 Supper Moment 打頭陣，由於主音Sunny 早前榮升人父，所以擔任大會主持嘅 Bob 林盛斌即為對方送上祝賀，而Sunny亦有分享升呢做爸爸嘅心情，佢仲話呢個角色雖然唔易做，但係就相當開心，Sunny仲話好在其他成員都已經係爸爸級，所以遇到有咩問題都會向佢哋請教。
周興哲為大家送上「心想事成」揮春。
下月將會喺香港舉行首個紅館演唱會嘅台灣歌手周興哲，演出第一首歌《怎麼了》嗰陣，因為現場音響突然發生故障而冇聲，要主持阿Bob上台同觀眾解釋。之後周興哲重新獻唱多次《怎麼了》同埋拎咗金馬奬最佳原創電影歌曲嘅《想知道你在想什麼》，佢仲叫現場觀眾識唱嘅跟住一齊唱。演出後主持 Bob預祝佢香港嘅演唱會演出成功，周興哲就言自己都好期待今次館演唱會，仲話而家每日都忙住為個唱準備。
草蜢以勁歌熱舞作為壓軸演出。

呢晚演出嘅仲有JW、衞蘭同梁漢文，其中梁漢文除咗唱出多首經典名曲外，佢仲特別獻唱咗一小段黃梅戲，令觀眾甚為驚喜。而壓軸演出嘅草蜢，以一輪勁歌熱舞令全場氣氛推到頂點，除咗同場觀眾又唱又跳之外，佢哋仲好有心思咁將禮物隨機貼喺現場嘅座位上，令在場觀眾紛紛開心尋寶。

梁漢文亦係當晚表演嘉賓之一。
JW 為大家送上金扇。衞蘭為大家送上桃花。

今天是農歷初七「人日」，「東張+」在此恭祝各位朋友生日快樂，新年進步！新年過了這麼多天，相信各位未結婚的朋友仔都「逗」了不少利是，尤其是小朋友，更是「財源廣進」！那麼，何時最適宜「拆利是」呢？

藝人御用風水師陳定幫師傅就表示，按中國傳統，正月初七是「人日」，「人日」即指每個人的生日，在這個普天同慶的日子拆利是，就有如拆「生日禮物」，倍添新年的喜慶氣氛，所以本是拆利是的「吉日」。但另一方面，由於不少人都會由初一派利是派到正月十五日，故不少長輩均認為要在正月十六日，把利是收齊才可拆利是，取其「財聚」的好意頭，有長輩覺得利是錢都未收齊就拆利是，有「散財」之意。陳師傅認為應順從長輩之意，於正月十六「拆利是」是最保險的做法，以免散盡「新年財」呢！