自然系女子旅行丨音樂系女神黃上晏接力出場 笑言情侶泡鴛鴦浴好浪漫

台灣師範大學音樂系畢業嘅Rubis黃上晏，因為早年推出寫真集，憑 32D 上圍火速俘虜大批男fans，喺社交平台擁有逾67萬followers，被網友稱為「筆墨難以形容的美」。呢個「音樂系女神」，早前就為「暉哥」林映暉主持J2旅遊節目《自然系女子旅行》擔任嘉賓，同暉哥一齊去桃園體驗露營。

由於Rubis有齊台灣女仔嘅特質：鍾意旅行、食好嘢，講嘢非常斯文，所以暉哥以「真台妹」嚟形容對方。佢兩個嚟到位於桃園市嘅營區，呢個營區嘅特點就係設有一個小型遊樂場，當中有旋轉木馬、咖啡杯、小型摩天輪、迷你賽車場等機動遊戲。

而營內房間就配備咗一個大浴缸，二位少女當然唔會放過浸浴嘅機會啦！換上豹紋三點式泳 衣嘅Rubis，仲讚呢度個浴缸夠晒大，可以畀情侶泡鴛鴦浴，好浪漫咗話。之後佢哋就展現吃貨本色，品嚐營內地道嘅台灣美食。

而31號播出嘅一氣，佢哋將會去到台中濱海樂園住帳篷。陽光海灘加上兩位美少女，影相自然成為指定節目。Rubis就同暉哥分享而家最hit嘅甫士，而暉哥都學得好開心，仲話：「影相打卡可以一直留喺度，我哋可以交流下用乜嘢甫士影相。」

之後仲有Rubis親手做三文治野餐，又會同導師喺戶外上瑜伽堂。換上粉紅色瑜伽裝嘅Rubis，將佢對40吋長美腿盡騷人前。而童心未泯嘅暉哥就喺草地上玩起吹氣小馬嚟，佢仲提出同Rubis玩「跳跳馬」鬥快呀。

《自然系女子旅行》星期一至五 22:30 J2