陳美齡榮升嫲嫲孫女重7.9磅 文雪兒細女誕B 半年唔夠再任婆婆

早前已經宣佈新年期間會赴美國，準備首次抱孫又會為大仔嘅千金煲薑醋嘅 陳美齡 ，喺香港時間1月31號，正式宣佈自己已經升任做嫲嫲，仲話小孫女肥嘟嘟重3600克，即係成8磅重，但係因為新抱同BB暫時仲喺醫院，未可以去探望，所以就搞到佢非常心急又期待喇。

一早已經喺離港前準備金器送俾孫女嘅佢，早前已經提過為新任父母嘅大仔同新抱準備咗好多育兒書籍。佢收到孫女嘅相之後仲話覺得BB似婆婆又有啲似自己，心情非常興奮呀。

另外再次抱孫任第二任婆婆嘅 文雪兒 亦喺社交平台Post出細女一月分娩誕下嘅可愛BB拜年照，8月先榮升婆婆嘅佢，半年內再迎接第二位外孫，相信呢位婆婆一定開心到不得了喇。