佘詩曼早前拍《延禧攻略》飾演嫻妃喺內地爆紅,主力於內地發展,早前阿佘透露過若有好劇本便會回TVB拍劇,近日有傳TVB監製鍾澍佳落實開拍新題材劇集《NEWS新聞女王》,盛傳由阿佘、李施嬅、高海寧及何依婷出演,雖然未知阿佘係咪接拍,不過佢近日留港爭取時間與好友相聚。
阿佘噚日於IG貼出與Toby(梁靖琪)細仔Rian嘅連環圖,見Rian眼仔大大,相當可愛,難怪契媽阿佘抱住佢係咁影,阿佘更留言:「細細契仔可唔可以畀面望吓鏡頭呀?!下次我一定會利誘佢。」阿佘亦貼出好姊妹湯盈盈攝鏡嘅相,叫盈盈唔好搞搞震。