B哥哥 鍾鎮濤 早前獲大班好友安排驚喜活動,為佢慶祝踏入70歲農曆生日,呢日佢現身《中年好聲音》錄影時,就話8成好友同場為自己慶祝,真係開心到不得了咁話呀。雖然Party已經過咗,不過佢就話慶祝活動一波接一波,仲有排玩咁話,又話要好好利用自己往後嘅黃金十年呀。
呢日擔任嘉賓評判嘅B哥哥,其實一直都有留意比賽,仲話對吳大強呢位參加者印象好深刻,仲覺得每位選手都持續進步,而最重要嘅係令每一位愛好音樂嘅朋友都抱有希望呀。
而參加者當中亦都傳出喜訊,好似 何博文 近日就再喜獲千金,雖然比較攰,不過就非常開心喇。而身為準爸爸嘅 梁浩銓 就話要向佢請教定育兒心得喇。
登入後即可查看我的收藏
登入後即可查看瀏覽記錄