江美儀慶祝封后未停過 張秀文親身證未有身孕

江美儀慶祝封后未停過 張秀文親身證未有身孕

電影《易經風雲錄》呢日舉行首映禮,有份演出嘅 江美儀 胡諾言 同盛傳懷孕嘅 張秀文 都有現身,其中視后美儀就大讚胡仔除跑步犀利之外,記憶力亦都非常驚人,因為拍攝時嘅動作佢可以話係過目不忘,一陣就學識喇。

新年期間美儀嘅拜年加封后慶祝一浪接一浪,難怪佢呢日話成個2月都晚晚要出街食飯見朋友喇。至於婚後多次傳出有喜嘅Sammy,呢日就親身以纖瘦身形澄清,佢仲話本來同老公打算疫情期間造人,不過就未有喜訊,不過一開關之後又要忙住安排去旅行,所以就可能暫時延後計劃喇。

謝雪心 吳麗珠 仲有再任婆婆嘅 文雪兒 都有出席呢日嘅首映,佢哋仲話一直都有支持 李居明師傅嘅作品,仲話會趁機會叩師傅贈幾句今年嘅運程咁話。

一個好人︱廟街神父胡頌恆住百呎劏房因一個原因 加入寵物暫託家庭默默付出

綜藝節目《一個好人》,逢周一至三晚10點半翡翠台播映,節目由林子善和江美儀擔任主持,並由「音樂情人」鄭子誠作聲音導航。

周三晚(27日)播出的第六集,子善分別拜訪了「廟街神父」胡頌恆、寵物暫託家庭Christy和攝影義工何偉彤偉哥。「廟街神父」胡頌恆是一位77歲的澳洲人,來了香港40年的他講得一口流利廣東話,他住在100呎的廟街劏房過着簡樸生活,他說:「我鍾意簡單嘅生活,呢度好容易搵到我哋,可以24小時咁去幫人!」胡神父在廟街開設了一間社區食堂,更只聘請更生人士,他解釋:「因為呢啲人好難搵工作,唔係好多人請佢哋,但佢哋其實好勤力,喺度做嘢好開心。」製作組問到他是否一個好人時?他謙虛說:「我唔係好人,我做呢件事係應該嘅,以前好多人對我咁好、畀機會我,我好幸福,我都想對其他人好!」對於胡神父的無私大愛,子善說:「我同神父講希望你工作愈嚟愈少,即係證明世界愈嚟愈美好。」

Christy做了寵物暫託家庭四年,一共照顧了13隻有傷殘或健康有問題狗狗,用愛陪伴牠們跨過身心障礙。講到寵物暫託帶來的得着,Christy說:「暫託畀到我成功感好大,暫託(家庭)就好似一個療養院嘅角色,幫一啲機構分擔吓,會帶狗狗返屋企,當係自己嘅狗狗咁樣養,希望可以幫到佢哋重新適應屋企嘅生活,同埋提高佢哋被領養嘅機會。」另邊廂,74歲的攝影義工偉哥以鏡頭溫暖人心,子善跟隨他為一名96歲婆婆影靚相,過程溫馨歡樂,偉哥還會分享為臨終長者影遺照的感人經歷。

節目尾聲有一個特別環節,子善與一班「好人」接觸時拍下不少照片,為此子善特意舉行了一場相展,並邀來過往集數介紹過的「好人」聚首,子善說:「呢個節目令我發現呢個世界有時好苦,但慶幸有一班好人默默付出,為呢個社會送上一點甜。佢哋未必係偉人,但係佢哋內心同行為都可以一樣咁偉大,好想話畀佢哋知你哋一啲都唔孤單,身邊其實仲有好多好人喺身邊,希望透過相展將咁多位好人連繫埋一齊,大家互相認識互相交流,每個人將嗰份力量拎出嚟,相信可以變成更強大嘅力量去幫助呢個世界。」

 相關推薦

熱門搜尋