2月6號係 蔡一傑 56歲生日，早前佢同 草蜢 另外兩位成員蔡一智同蘇志威，到台灣宣傳3月舉行嘅巡迴演唱會台北站，除咗不停現身唔同通告之外，傑仔亦出席當地歌迷為他籌辦嘅生日會，近年經常喺個人頻道教大家煮嘢食嘅佢，又即場傳授入廚秘方大展刀工與眾同樂。

草蜢喺台灣期間馬不停蹄出席活動，亮相唔同平台宣傳，又快閃Busking玩驚喜，唔少歌迷仲曾喺台北街頭野生捕獲佢哋。而壽星仔蔡一傑亦抽空同歌迷聚會，久未見面嘅台灣朋友仲捧出生日蛋糕為佢預祝生日，而蛋糕上嘅「傑仔」赤膊露出結實胸肌同腹肌，大家更即場起哄叫傑仔除衫「驗貨」。

傑仔喺台灣同歌迷聚會，仲獲大家之為佢預祝生日
喺全場大合唱生日歌後，傑仔就許願話：「我有三個願望：每個人都身體健康、世界和平、所有演唱會都成功！」歌迷又向愛烹飪嘅傑仔送圍裙做禮物，上面印咗「BaBaBa」字樣，紀念草蜢1997年推出嘅一首國語歌，歌迷仲話有諧音「發發發」嘅好意頭，加上傑仔喜愛下廚，所以希望佢下廚時都會覺得台灣歌迷好似攬住佢一樣，非常有心思。

身為型男廚神嘅佢，仲獲歌迷送上圍裙作禮物
而生日會重頭戲就係歌迷烹飪大賽，原本擔任評判嘅傑仔，仲手痕忍唔住出手，又向歌迷傳授刀工，示範切魷魚同拍蒜頭。傑仔輪流向各歌迷細心指導，仲親手開爐炮製一道「韭菜花炒鮮魷」呀。

傑仔仲一時技癢落手為大家炒返個韭菜炒鮮魷呀

天心與溫昇豪主演嘅劇集第三季近日正式開播，呢日二人為新劇宣傳，天心與劇中前夫「趙立廷」嘅關係迎來新轉機，網民好奇佢哋會唔會破鏡重圓，二人就大賣關子，天心笑言應該好多人爭「趙立廷」，而溫昇豪否認劇中出軌，只係以「用身體換情報」。

承接之前沉重劇情，女主角天心建議觀眾睇劇前要做好心理準備，天心現實中與韓籍老公長期分隔兩地，近日趁有空檔佢即前往韓國跟老公相聚，天心更喺社交平台分享兩公婆玩樂嘅片段，天心受訪時稱此行逗留七、八天左右，佢目前算係偽單身，加上佢同老公都係同行，大家可以互相配合同體諒，佢笑言要盯好老公，唔准精神及肉體出軌。