旅遊達人Christy梁芷珮主持嘅《非洲潮什麼》，繼續同大家玩轉毛里求斯，首站就係出海睇海豚，如果當日海豚心情靚嘅，仲會有機會同佢哋一齊游水影相㗎！而行程嘅最後一站就係去玩浮潛，由於嗰度水清沙幼加上浮力較強，所以好啱一家大細嚟玩，Christy同囝囝Duncan仲畀無數魚仔包圍。不過身為旅遊達人嘅Christy點會淨係介紹啲咁「入門版」嘅行程畀大家吖！呢集佢就喺曾經三度於世界旅遊大獎中，獲得「世界傑出海島旅遊目的地」同「世界最佳海灘」殊榮嘅小島上，入住經過特別精心設計嘅透明酒店房，坐喺房內就可以欣賞到無敵美景同日落，夜晚又可以抬頭數下星星，相當寫意。
呢個小島曾經三度喺世界旅遊大獎中，獲得「世界傑出海島旅遊目的地」同「世界最佳海灘」殊榮。間透明酒店好靚。
而7號晚嘅一集，Christy一家就會出發到南非第二大城市開普敦展開8日行程。首站 Christy 帶大家參觀世界新七大自然奇觀之一嘅桌山，呢個自然美景令Christy相當震憾。上集就同睇過海豚喇，今集Christy就轉為落海同鯊魚嚟個近距離接觸，事前仲要簽生死狀！着上潛水衣嘅Christy，入到個特製嘅鐵籠後即話有「密室恐懼」嘅感覺，當佢完成鯊魚之旅後，個樣仲頹晒，佢解釋係暈船浪所致：「見到鯊魚係好開心，但暈船浪真係好激烈，喺船上簡直係暈到黐線，啲浪好大，啲水真係好凍，落咗去一陣間已經頂唔順要上返嚟，但可以近距離接觸鯊魚，呢個經驗好獨特，係好應該嚟玩。」
Christy將會落海同鯊魚嚟個近距離接觸。落完海同鯊魚玩遊戲之後，佢個樣頹咗。

8 號晚嘅一集就會有去桌山國家公園睇非洲企鵝、坐葡萄酒列車走勻各個酒莊，當然中間仲會有歎生蠔、朱古力、芝士、白酒，嘅Chill爆行程啦！呢集 Christy仲會去探望世界級網紅兼畫家豬Pigcasso！唔好睇少Pigcasso嘅畫作，佢普通一幅畫就已經價值萬幾蚊港元，不過賣畫嘅收益係會捐去慈善用途。

《非洲潮什麼》星期一至星期三 22:30 翡翠台

Pigcasso嘅畫作。裝紅畫家豬 Pigcasso

梁芷珮主持《澳洲潮什麼》，昨晚播放最後一集，旅遊達人Christy終極玩盡澳洲，她漫步六十公里長灘好Chill，再與馬兒結伴踏步海灘，迎接閃閃浪花，散發另類浪漫。

Christy接着挑戰另一體能玩意，勇闖叢林挑戰高空飛索、繩網障礙，考驗身手與膽量，見識大自然奧妙，睇我表演！