非洲潮什麼丨梁芷珮由毛里求斯玩到開普敦 簽生死狀同鯊魚近距離接觸

非洲潮什麼丨梁芷珮由毛里求斯玩到開普敦 簽生死狀同鯊魚近距離接觸

旅遊達人Christy梁芷珮主持嘅《非洲潮什麼》,繼續同大家玩轉毛里求斯,首站就係出海睇海豚,如果當日海豚心情靚嘅,仲會有機會同佢哋一齊游水影相㗎!而行程嘅最後一站就係去玩浮潛,由於嗰度水清沙幼加上浮力較強,所以好啱一家大細嚟玩,Christy同囝囝Duncan仲畀無數魚仔包圍。不過身為旅遊達人嘅Christy點會淨係介紹啲咁「入門版」嘅行程畀大家吖!呢集佢就喺曾經三度於世界旅遊大獎中,獲得「世界傑出海島旅遊目的地」同「世界最佳海灘」殊榮嘅小島上,入住經過特別精心設計嘅透明酒店房,坐喺房內就可以欣賞到無敵美景同日落,夜晚又可以抬頭數下星星,相當寫意。
呢個小島曾經三度喺世界旅遊大獎中,獲得「世界傑出海島旅遊目的地」同「世界最佳海灘」殊榮。間透明酒店好靚。
而7號晚嘅一集,Christy一家就會出發到南非第二大城市開普敦展開8日行程。首站 Christy 帶大家參觀世界新七大自然奇觀之一嘅桌山,呢個自然美景令Christy相當震憾。上集就同睇過海豚喇,今集Christy就轉為落海同鯊魚嚟個近距離接觸,事前仲要簽生死狀!着上潛水衣嘅Christy,入到個特製嘅鐵籠後即話有「密室恐懼」嘅感覺,當佢完成鯊魚之旅後,個樣仲頹晒,佢解釋係暈船浪所致:「見到鯊魚係好開心,但暈船浪真係好激烈,喺船上簡直係暈到黐線,啲浪好大,啲水真係好凍,落咗去一陣間已經頂唔順要上返嚟,但可以近距離接觸鯊魚,呢個經驗好獨特,係好應該嚟玩。」
Christy將會落海同鯊魚嚟個近距離接觸。落完海同鯊魚玩遊戲之後,佢個樣頹咗。

8 號晚嘅一集就會有去桌山國家公園睇非洲企鵝、坐葡萄酒列車走勻各個酒莊,當然中間仲會有歎生蠔、朱古力、芝士、白酒,嘅Chill爆行程啦!呢集 Christy仲會去探望世界級網紅兼畫家豬Pigcasso!唔好睇少Pigcasso嘅畫作,佢普通一幅畫就已經價值萬幾蚊港元,不過賣畫嘅收益係會捐去慈善用途。

《非洲潮什麼》星期一至星期三 22:30 翡翠台


Pigcasso嘅畫作。裝紅畫家豬 Pigcasso

《愛.回家》譚道德嫁女!陳榮峻收親家聘書超開心 女兒移居新西蘭任護士

陳榮峻憑TVB處境劇《愛.回家之開心速遞》飾演「譚道德」成功入屋,陳榮峻噚日喺IG貼出一張疑似係親家提親嘅聘書,公佈愛女即將結婚呢個喜訊。

陳榮峻兒子頴聰貼出家庭合照。
陳榮峻今日喺IG貼出嫁女相。

聘書見親家大讚陳榮峻女兒頴儀(Jessica),陳榮峻收到親家嘅誠意,表示超開心,感覺女家備受尊重,估唔到今時今日仲有傳統禮儀!
陳榮峻噚日喺IG貼出一張疑似係親家提親嘅聘書。

陳榮峻今日喺IG貼出嫁女相,原來愛女於奧克蘭嘅St. Patrick's Cathedral舉行神聖婚禮,呢間大教堂係奧克蘭市天主教堂,以哥德復興式建築,建立於1841年為奧克蘭最迷人嘅建築之一。

陳榮峻帶愛女進場,佢笑問:「嗰造型似唔似新郎哥。」陳榮峻與吳香倫於2015年拍拖,2018年結婚,陳榮峻仔女亦接受吳香倫呢位繼母。

陳榮峻早年與圈外妻子鄭安麗結婚,育有兩子一女。鄭安麗於2010年因腦溢血離世,陳榮峻難走出喪妻之痛曾欲輕生,幸有好友開解走出陰霾,陳榮峻與吳香倫於2015年拍拖,2018年結婚在四代同堂見證下再為人夫,仔女亦接受吳香倫呢位繼母,陳榮峻曾透露阿女中學時已前往新西蘭留學,目前喺當地任職護士。 
陳榮峻曾透露阿女中學時已前往新西蘭留學,目前喺當地任職護士。

 相關推薦

熱門搜尋