正為今個月17至19號舉行嘅演唱會，積極備戰嘅Gigi梁詠琪，每日都會到排舞室排舞，佢坦言自己已經調節好心情演出，仲話三場演唱會中，每晚都會有特別嘉賓登場，保證一定會令觀眾有驚喜，Gigi雖然冇開名講係邊幾位嘉賓，但佢就貼士大家估：「全部都係我好欣賞嘅朋友，佢哋曾經同我喺音樂、電影上合作過，有陪伴我一起成長嘅歌手朋友，亦都有我好欣賞嘅新晉歌手。」
「探險～靈感充了電 從交通燈出發到神殿」
Gigi又預告演唱會嘅內容會有故事性，所以佢嘅個唱歌衫喺設計上亦都會帶有情感元素，而為咗今次嘅演唱會服裝，除咗邀請咗幾位設計師打造戰衣外，亦有部分靚衫係專程喺外國訂造，Gigi話單係睇到幅草圖，已經令佢相當期待。

相信Gigi嘅歌會勾起大家唔少回憶，而為咗帶畀樂迷新鮮感，演唱會音樂總監趙增熹，就將Gigi多首經典金曲重新配樂，就連Gigi聽完都話驚喜萬分。透露將會喺演唱會上自彈自唱嘅Gigi，話呢個決定某程度上都係受囡囡影響，Gigi仲笑言而家喺屋企練琴時，都要貼囡囡爭琴彈，相當搞笑。
Gigi近日更積極排舞。
雖然一向同囡囡形影不離，但為咗喺倒數階段專心準備演唱會，Gigi最近就忍痛決定「離家出走」搬到去酒店暫住，佢話：「其實呢個決定都好掙扎！健康原因真係需要隔離自己，同時需要更多自己嘅空間，專心背歌詞、練琴，記跳舞steps，需要一個好靜嘅環境，所以我做咗呢個對自己好殘忍，因為要離開屋企一排、但又好需要嘅決定，我有同囡囡解釋，佢都明白，」Gigi又話雖然唔喺囡囡身邊，但佢哋夜晚都會FaceTime見面，亦會隔空教個女中文功課，Gigi仲話咁樣令佢更加期待喺演唱會上見到台下嘅囡囡呀。
狀態Fit到爆。

專注準備個唱嘅同時，Gigi亦不忘做善事，佢希望打算送花籃畀佢嘅朋友，可以將這份心意轉贈到意屬嘅慈善機構：「見到花海當然開心，但我更希望能轉化朋友嘅支持畀有需要嘅人，會更有意義！」Gigi準備咗一張巨型名牌掛喺紅館後台，以答謝每位捐款善長，感謝他們對自己支持、對慈善出一分力。
籌備演唱會之餘，Gigi不忘做慈善。

防疫條例今年終於放寬，不少演唱會得以復辦，歌迷們興奮萬分，更興奮的竟然是「呃飛黨」！

有一班台灣「天團」五月天歌迷向《東張》報料，被一名相識達二十年的「好朋友」騙去門票錢，受害人數至少80人，涉款至少達七十多萬。

騙徒Charmmy在五月天演唱會門票還未公開發售時，已經向朋友兜售「內部飛」，大量苦主即時入數「留飛」，可惜他其後諸多推搪，最後竟然「消失埋」？