《聲夢傳奇2》冠軍 任暟晴 喺大年初一正式踏入17歲,呢日一班Fans除咗舉行Party為佢補祝生日之外,仲神秘邀請咗同佢並肩參賽Friend到不得了嘅Crystal梁芷菁驚喜現身,Jas綿亦都禮尚往來為大家獻唱自己嘅出道作,又為各位簽名感激大家支持鼓勵呀。
同Fans熱鬧慶祝本來已經非常開心,而老友突然間現身就令佢更加驚喜喇,仲話完全估唔到Crystal會捧住蛋糕出現喇。而擔任神秘嘉賓嘅Crystal亦都非常緊張,佢哋一見到面相視而笑一刻仲搞出笑話,好在冇搞到蛋糕都跌埋咋。
Jas綿將會為哥哥張國榮離世20周年翻唱經典歌曲同拍MV,而佢就話自己一直都有重溫哥哥嘅歌曲同電影作品,今次有份參與就覺得對自己嚟講係好大嘅挑戰喇。
登入後即可查看我的收藏
登入後即可查看瀏覽記錄