給十九歲的我｜監製黃慧凌晨發聲明 採訪李慧詩經單車聯會秘書長表明來意

一部為母校重建而花費十年時間拍攝嘅紀錄片《給十九歲的我》，公開上映後因為先後3位受訪同學表達抗拒公開放映，引申出導演張婉婷對作品拍攝倫理嘅紛爭，亦牽涉香港單車運動員 李慧詩 表達不滿。

李慧詩喺風波發生期間，喺社交平台表達咗完全未被知會將在電影出鏡嘅感受「氣在心頭」，而監製 黃慧 就喺影片宣佈暫停公映；香港單車總會又指稱從未派人協助拍攝下，加上香港體育記者協會發聲明表達對往後採訪可能遇上申請證件困難有疑慮之後，8號凌晨發表聲明澄清。

同為英華女校與導演張婉婷同屆畢業嘅黃慧，署名各體記協發聲明指出，申請採訪許可經由學校向賽會辦理，而採訪事前已向香港單車聯會前名譽秘書長 陳仲雨 道明來意，表明因為有校友參賽而採訪，希望隊友兼前輩李慧詩接受訪問，分享喺運動事業同學業作出平衡嘅感受，訪問亦喺現場賽後進行。