人稱Bill哥哥嘅吳大強，喺《中年好聲音》入面越戰越勇，更加被指係儼如「大魔王」嘅級別，嚟緊12號播出嘅一集，呢位大魔王將會出戰第四部曲次回合《導師分組賽！絕境生還戰！》。
01.jpeg
第四部曲由星級導師蔡立兒、韋綺姍、彭家麗帶領嘅三組，將分別派出代表出戰次回合嘅「睿智之歌、慘痛悲歌、浪漫愛歌」三輪比拼。次回合最低分嘅一組會被淘汰一人，而兩個回合加埋最低分嘅一組，亦會有一位成員被 Foul！大魔王Bill哥哥就係出戰「睿智之歌」，挑戰周吉佩同梁浩銓，另外出戰「慘痛之歌」嘅選手就有涂家堯、林鉫徫及魏嘉信，而「浪漫愛歌」嘅選手就有彭澤英、支嚳儀同羅金榮。
Bill哥哥以秘密武器冧暈主持車婉婉。周吉佩將迎戰Bill哥哥。
代表紅組出戰嘅 Bill 哥哥首度 Solo 獻唱《浪子心聲》，佢仲會出動兩大秘密武器嚟為紅組搶分，連主持車婉婉都被 Bill 哥哥「迷暈」，婉婉笑謂：「大強你咁樣唔得，次次都揞啲武器出嚟，啲女仔會死晒㗎喎，我頭先都暈低咗！」 
梁浩銓獻唱《如果有一天》時忍唔住淚灑舞台。
至於代表綠組出戰嘅梁浩銓，則獻唱天王劉德華嘅《如果有一天》，佢喺演繹呢首歌嘅時候，就忍唔住淚灑舞台，原來首歌對佢嚟講係對父母表達歉意之歌，想知就要留意星期日播出嘅《中年好聲音》。

《中年好聲音》逢星期日 20:30 翡翠台

支嚳儀呢日邀請好友倪晨曦去到自己間烘焙店舉行活動，趁機會同好友聚會兼整蛋糕。佢話平時如果自己有壓力，好似次前參與《中年好聲音》嗰陣咁，壓力勁大時，就會嚟到烘焙店整蛋糕嚟減壓，佢又話唔少戰友都食過佢整嘅蛋糕呀。

講到之前同魏嘉信出席商演，支嚳儀就話唔好睇對方係律師就一定不苟言笑，其實對方係個好風趣嘅人，仲會成日突然爆幾句泰文出嚟引大家笑㗎！對於fans組成咁fans club「支心人」，支嚳儀話估唔到自己參賽嘅經歷會對咁多媽媽級fans造成影響，佢又鼓勵大家去參加《中年好聲音》第二季，因為佢話參賽經歷一定會令大家獲益不少呀。

至於係兩子之母嘅倪晨曦，就話試過喺屋企整香蕉蛋糕，但因為焗燶咗而畀小朋友同外傭姐姐嫌棄呀！