新四十二章丨鄺潔楹傳授江嘉敏「港女三句」勁爆笑 周嘉洛揭穿港女Dr. Lau收兵

新四十二章丨鄺潔楹傳授江嘉敏「港女三句」勁爆笑 周嘉洛揭穿港女Dr. Lau收兵

由陳維冠(Joe)監製嘅《新四十二章》最近熱播,噚晚嗰集三位年青主角周嘉洛、江嘉敏及鄺潔楹均甚有發揮,劇情講述Zoie(鄺潔楹飾)為幫Mon姐(江嘉敏飾)追求柯仔(周嘉洛飾),大方向對方賜教「港女冧仔大法」,教授秘訣及側頭等關鍵動作外,更以極嬌嗲表情及聲線高呼港女三句「好叻呀」、「點解嘅」、「唔知呀」。

Zoie教Mon姐點樣拖人手仔。

追「柯」心切嘅Mon姐喺卡拉OK中立定決心,側住頭兼擠眉弄眼向柯仔連環拋出港女三句,可惜因為表情誇張兼欠自然,不單止惹來柯仔鄙視,反問Mon姐係咪「瞓捩頸」相當搞笑。
Zoie正式向Mon姐傳授港女真功夫,Zoie又真係將呢三句演繹得幾可愛。

一算(鄭子誠飾)喺天台全程直擊呢幕「港女訓練班」,原來係同之後嘅劇情發展有關嘅,大家要密切留意。

港女三句有根有據,但係Mon做出嚟嘅效果就相當趕客。
Mon姐確係資質有限,真係落場嘅時候,「港女三句」比起練習時更駭人。大家睇吓柯仔個樣幾咁鄙視,柯仔終於忍唔住問Mon側晒頭咁係咪「瞓捩頸」。另一幕柯仔因為突然回家,以致偷偷摸摸到訪其家中嘅Mon姐嚇到四圍匿,因而鬧出不少笑話。周嘉洛喺呢場戲要打大赤肋喺屋企長達兩分鐘,白滑結實胸膛及線條分明嘅六舊腹肌非常吸睛;是次並非嘉洛首度晒肌,之前喺《痞子殿下》及《愛‧回家之開心速遞》亦有性感搞笑演出。不過嘉洛受訪時卻謙稱自己身形唔算好,笑謂線條係靠拍劇操出來:「好唔好其實見仁見智,如果你話線條我係有嘅,因為經常消耗多過吸收,加上有時拍戲都會有郁動,所以唔需要刻意操,上鏡都好似有啲嘢睇,但真人就其實好瘦。」噚晚短短一集,大家已經可以清楚睇到Dr. Lau係點樣連環出招冧柯仔‧令柯仔甘願渡火海。當真面目被揭穿後,Dr. Lau依然企圖作最後掙扎矇騙柯仔,搞到網民睇到好激心。最後要肥叔出馬,拖住Dr. Lau另一個男朋友出場,柯仔先真正清醒。

噚晚另一高潮係嘉洛喺Mon姐、Zoie及肥叔(莫偉文飾)幫忙下,揭穿港女Dr. Lau(黃碧蓮Linna飾)收兵真面目。其實Dr. Lau自出場以來一直備受關注,不少網民留言大讚佢有氣質,網民噚晚見到港女Dr. Lau真面目,睇到咬牙切齒。曾為《2012年溫哥華華裔小姐競選》「最上鏡小姐」得主嘅黃碧蓮,2014年因參選香港小姐加入TVB,憑《愛‧回家之開心速遞》刁蠻女子「Dion」成功入屋。碧蓮喺劇入面成日會被點穴,搞到只係可以靠對眼做戲,好搞笑。

過往演乖乖女嘅Linna,是次𥤮破自己飾演拜金心機女,佢笑言開心監製Joe給予呢個機會,讓佢挑戰自己,今次呢個角色真係好特別,Sweet得嚟又要有啲目的,之前一直做啲乖女角色,今次做同真實嘅自己好唔同嘅角色,覺得好鍾意同幾好玩。周嘉洛劇入面有唔少場口都要抱起黃碧蓮,而碧蓮就好擔心自己重咗少少會搞到嘉洛。
黃碧蓮續指當年讀藝訓班時已與嘉洛相識,覺得對方當時好有才華,更大讚對方gentleman:「佢雖然細過我,但譬如拍攝時好凍,佢會拎件褸畀我。我又記得有一幕佢要公主抱我,但我好驚佢抱唔到我,因為我比較重,但佢都好sweet,冇令我覺得自己好重,雖然佢抱我時手都震晒。」柯仔因為突然回家,以致偷偷摸摸到訪其家中嘅Mon姐嚇到四圍匿。周嘉洛白滑結實胸膛及線條分明嘅六舊腹肌非常吸睛。周嘉洛喺呢場戲要打大赤肋喺屋企行來行去長達兩分鐘。

《新四十二章》逢周一至五晚八點半翡翠台播映

胡美貽踏入三十 「港女野人」閨密們送驚喜亞馬遜爬樹蛋糕為壽星女慶生

J2er索女胡美貽(Nicole)踏入30歲,當然慶祝活動一籮籮,日前獲幾位《港女野人》美女成員廖慧儀、陳若思,連同好姊妹黃嘉雯坐陣,大搞驚喜生日會。眼見社交平台的新相所見,又有造型蛋糕、又有特色小吃,當然不少得派對必備的汽球和鮮花,逗得壽星女Nicole非常開心。

Nicole接受其他傳媒訪問時表示:「我哋都係喺屋企搞,一齊食吓嘢咁,黃嘉雯仲送咗紮花畀我,特別整咗個蛋糕畀我,話係照住我喺亞馬遜爬樹嗰幕嚟整,我好鍾意,覺得好得意。」黃嘉雯亦指:「我同Nicole係一齊拍節目認識,平時喺J2聚會都成日見,我哋前晚喺朋友屋企搞Party,佢哋整咗啲homemade taco同佢慶祝生日,我都係第一次食,好有創意!」

圖片來源:網上IG

幾位《港女野人》美女成員廖慧儀、陳若思,連同好姊妹黃嘉雯坐陣,大搞驚喜生日會亞馬遜爬樹蛋糕為壽星女慶生派對必備的汽球和鮮花《港女野人》美女成員廖慧儀、陳若思,連同好姊妹黃嘉雯

 相關推薦

熱門搜尋