中年好聲音丨譚詠麟鍾鎮濤入任嘉賓評審 梁浩銓寫信爆喊求父母原諒

中年好聲音丨譚詠麟鍾鎮濤入任嘉賓評審 梁浩銓寫信爆喊求父母原諒

TVB綜藝歌唱真人騷《中年好聲音》逢周日晚上8點半翡翠台播出,噚(12日)晚播出第11集係第四部曲次回合《導師分組賽!絕境生還戰!》,是集誕生兩名80+嘅選手,分別係吳大強及林鉫徫,彭澤英及羅金榮齊齊被淘汰。

Bill哥哥喺第四部曲次回合《導師分組賽!絕境生還戰》拎到89分!

一天數份工努力還債
噚晚焦點人物係梁浩銓,佢獻唱天王劉德華嘅《如果有一天》,唱畢更坦言被歌詞「人善天不欺」一句深深觸動,並喺鏡頭前勇敢剖白過往曾係一個愛逃避嘅人。原來浩銓年輕時曾因生意失敗欠債纍纍,事件對父母造成困擾,最終浩銓被父母趕出家門並斷絕來往,喺最困難嘅日子,浩銓喺24小時營業嘅快餐店「借宿」。


梁浩銓在節目中勇敢公開自己的故事,並因為受到參賽歌曲《如果有一天》啟發,決定不再做一個逃避的人。
雖然內心滿是難受,但浩銓冇放棄,不單止一天打數份工努力還債,更繼續堅持追夢「唱歌」,朋友都大讚浩銓不容易:「佢嗰時只要有少少時間、有少少機會,就會堅持唱歌、busking、表演同夾band,我哋都問佢:『你咁得唔得㗎?佢都會話:『得㗎喇!音樂能治百病』。」

浩銓年輕時生意失敗搞到欠債纍纍,事件對佢同父母造成困擾,最終浩銓被父母趕出家門。

隨著一日復一日嘅努力,浩銓慢慢走出逆境,擁有自己家庭,更朝著做爸爸嘅目標進發。隨著人生歷練累積,浩銓感受到與父母不可分割嘅聯繫,並決定克服昔日嘅軟弱,努力修補與父母嘅關係。最終浩銓選擇喺台上勇敢公開自己嘅過去,更公開寫畀父母嘅道歉信,當中一句:「其實我一直都有同親戚朋友打聽你哋嘅近況,我亦都有喺街度撞過你哋,但我真係冇勇氣上前同你哋講嘢」,反映浩銓一直掛念父母,只係一直拎唔出勇氣。


梁浩銓亦真的做到勇敢面對,事件相當勵志,佢已變成一個有承擔嘅男人。
浩銓嘅歌聲與故事感動在場評審,肥媽為浩銓打氣:「冇一個父母係會憎自己個仔!你返到屋企咩都唔使講,只要講句爸爸媽媽I love you,所有父母都會原諒你。」
眼見浩銓哭成淚人,主持車婉婉送上擁抱,鼓勵浩銓向鏡頭說出心底話,不擅辭令嘅浩銓向著鏡頭真誠的說:「我好想你哋原諒我呢個衰仔,我會一路努力做番好畀大家睇,希望你哋可以接受番我。」呢次冇再選擇逃避嘅浩銓,更跨出一大步,主動邀請父母親臨《中年好聲音》錄影現場為自己打氣:「我最大心願係可以重新成為你哋心目中嘅好孩子,希望你哋會嚟睇我比賽,我留咗兩張飛畀你哋。對唔住,可唔可以畀次機會我?」言辭滿是真誠,相當感人。

浩銓對住鏡頭同父母講對唔住。婉婉送抱安慰,肥媽就話:「冇一個父母係會憎自己個仔!」

Bill哥哥唱廣東歌,又吹口哨又吹口琴,邊夠你玩呀?

伍仲衡讚吳大強學習能力高
是集表現最亮眼嘅選手,則繼續係「Bill哥哥」吳大強。唱開英文歌嘅Bill哥哥,今集首度挑戰獻唱廣東歌《浪子心聲》,唱功繼續無可挑剔之餘,出動兩大秘密武器「吹口哨」+「吹口琴」,最終獲得89分佳績。71歲Bill哥哥喺台上自爆口琴秘技其實係「即買即學」,呢個口琴係一個禮拜前先買,所以佢鼓起好大勇氣去表演,贏得全場掌聲。被冧到暈晒浪嘅肥媽大讚:「靚仔好有舞台風範同經驗,You belong to the stage!」伍仲衡就話:「你用一個禮拜口琴就吹成咁?真係犀利!」蘇永康則表示:「呢位長輩雲淡風輕咁講咗佢人生經歷畀我哋聽,聽得好感動。」

第五部曲次回合就有譚詠麟擔任嘉賓評審。第五部曲首回合有鍾鎮濤擔任嘉賓評審。譚詠麟鍾鎮濤加入任嘉賓評審
林鉫徫(Jay)則一改平日曲風,獻唱柔情版《再度孤獨》獲得80分,事後Jay笑言全靠「想像」唱出離別之痛,肥媽聞言即說:「咩未試過啫,講大話,直情係畀人飛完嘅感覺!」場面搞笑。完成所有比賽後,次回合最低分一組為綠組,經過評審商議過後,羅金榮被淘汰;至於首回合+次回合最低分一組為紅組,是集表現失準嘅彭澤英被淘汰。此外,第五部曲首回合《雙人合唱!二選一離場!》及次回合《譚校長金曲!爭入12強!》,分别有鍾鎮濤及「樂壇校長」譚詠麟擔任嘉賓評審。


林鉫徫今次一改曲風,大晒柔弱一面。彭澤英今集表現失準被Foul。羅金榮今集都被Foul。周吉佩自彈自唱,相當投入。其他隊友幫佢拉晒Banner,氣氛好好。涂家堯魏嘉信女
《中年好聲音》逢周日晚8點半翡翠台播映

古淖文獲評判一致畀滿分封冠軍 譚輝智屈到病舞姿成亮點

歌唱選秀節目《中年好聲音2》24號舉行「登峰之戰」總決賽,古淖文憑住佢拿手嘅英文歌《Feeling Good》,獲得所有評判一致畀出20分,以總分99分成為冠軍。古淖文話賽果完全出乎意料,當見到所有評判畀出20分時,嗰種心情真係好震撼。

而屈居亞軍嘅譚輝智唔止無失落,仲大讚古淖文係「值嘅」,而佢自己喺快歌環節嗰首《屈到病》就成為全晚最多人討論嘅亮點,唔擅長跳舞嘅譚輝智,話自己嘅舞姿一定唔會型,所以佢就決定以搞笑風格上場,尹新杰仲以「好得意」嚟形容佢嘅舞步呀!

一直被視為大熱嘅顏米羔,雖然最後成為季軍,但佢都話自己已經心滿意足喇,事關佢話覺得名次對佢嚟講唔重要,最重要係可以爭取機會唱歌。而黃劍文就以些少差距未能晉身三甲,不過對於好朋友台灣歌手張芸京特登飛嚟香港撐場,劍文就覺得好感動,仲話芸京喺音樂呢條路上一直鼓勵自己,兩人仲感動到互相抱抱呀。

至於安雅希、沈宗賢同埋陳俞霏就話行到決賽呢一步,已經心滿意足,幾位仲話經歷長達八個月嘅賽事,終於告一段落,佢哋嘅心情既放鬆又唔捨得。

評審之一嘅伍仲衡,一向比分都好手緊,但決賽夜佢竟然將自己第一個20分比咗古淖文,肥媽都好認同,話古淖文絕對係無可挑剔嘅演出。

決賽夜《中聲》嘅師兄師姐都有嚟觀戰,周吉佩、李佳同羅啟豪都大讚參賽者演出超水準,顏志恒仲話對譚輝智跳嘅《屈到病》非常深刻,劉威煌就講笑話遲啲可能變成廣場舞。對於蔡琴以嘉賓身份現身,就令大家相當驚喜,佢仲獻唱咗經典歌《你的眼神》令樂迷大飽耳福。

決賽夜結束後,一眾粉絲喺電視城門外等候偶像,米羔、輝智仲有劍文更親自出嚟答謝歌迷嘅支持。

 相關推薦

熱門搜尋