同日本、韓國、泰國、香港同台灣嘅女仔拍拖係咩感覺？睇完16號播出嘅一集《不正常愛情研究所》或者可以知道！

呢集嘅主題係「跨文化戀愛」，當中「有故事的人」就請嚟錯做過空少嘅J2er  Doniven陳國麟，佢自爆曾經同過日本、泰國、韓國、香港同台灣嘅女仔拍拖，而對象主要係亞洲女孩，因為佢話歐美女仔嫌佢瘦同唔夠高大。
Doniven（左一）曾經同過日本、韓國、泰國、香港同台灣嘅女仔拍拖。
講到第一次異地戀，Doniven透露係發生喺美國求學時期，對像係一位韓國女生，佢形容對方性格豪邁爽朗講嘢直接，唔鍾意會直接同自己講。唔少香港男仕都夢寐以求想搵個日本女生做另一半，Doniven就話現實唔係大家想像嘅一樣，Doniven解釋日本生仔雖然係好溫柔，但因為佢哋嘅民族性太注重人哋嘅感受，所以好難知道對方真實想法，Doniven又指日本女仔喺街外較保守，唔會同另一半攬攬抱抱，不過他笑笑口補充：「返到屋企就唔同嘅，開放好多。」講到最溫柔嘅女仔，Doniven指非泰國女生莫屬，原因係泰國女少男多，令佢哋會千方百計取悅男仔，Doniven又指韓國女仔好鍾意同另一半着情侶裝出街，原因係宣示主權同佔有欲較強。


講到最難忘嘅一段情，Doniven話係啱啱分手冇耐嘅台灣前度，佢形容女友做事好窩心， 而且很有文青女孩感覺：「佢會好花小心思，每個月都會寫小卡片講吓去過邊度玩，又會計劃嚟緊去邊。」仲有一件事令Doniven非常感動，就係對方會用航班 App 追看自己嘅行程， 然後會 cap 圖，Doniven話：「跟住佢會畫個心心喺架飛機度，寫住『我個寶寶喺太平洋上空， 還有 4 個小時就見面咯』。」Doniven講起都非常回味，但係身邊做過空姐嘅Susuca 似乎唔太受，頻頻反白眼。

同樣做過空姐嘅Susuca似乎唔太受，仲頻頻反白眼。

Doniven事後接受訪問，透露佢同女友係因為疫情而分開：「唔關第三者事，因為分開兩地，幾年都冇得見，維繫唔到。如果再搵女朋友都會揀日本、台灣，我鍾意啲温柔同體貼嘅女仔，特別日本女仔，會關心人哋多啲。」至於講到剛過去嘅情人節，佢話自己留喺屋企陪「前世情人」媽咪過。

《不正常愛情研究所》逢周四晚上 11 點 J2(82 台)播映

《金融時報》引述四名消息人士稱，美國、日本，將與台灣共享海軍偵察無人機的實時數據。中方重申，堅決反對建交國與台灣開展任何形式的軍事聯繫。

外交部發言人汪文斌表示：「『一個中國』原則是公認的國際關係基本準則和國際社會普遍共識，是中美、中日關係的政治基礎。台灣問題事關中國國家主權和領土完整，是中國核心利益中的核心。中方堅決反對建交國與台灣開展任何形式的軍事聯繫，我們敦促有關國家恪守一個『一個中國』，不要製造台海局勢緊張因素。中方將堅定維護自身主權和領土完整。」