張艾嘉為新戲學習製作霓虹燈 周漢寧惋惜燈牌日漸消失

張艾嘉為新戲學習製作霓虹燈 周漢寧惋惜燈牌日漸消失

張艾嘉早前第3度奪得金馬影后,呢日佢現身香港鬧市街頭,聯同周漢寧、新晉導演曾憲寧及監製陳心遙為電影宣傳造勢,喺即將拆卸嘅霓虹燈下拍照留影,張姐覺得好特別:「呢啲霓虹燈陪伴我幾廿年,雖然我冇行入去過,我都睇住香港好多好靚嘅霓虹燈,一路存在,直至到而家慢慢消失,剩番幾個!」

周漢寧亦惋惜霓虹燈牌日漸消失,拍攝時都有聽上一輩對於霓虹燈嘅回憶,以前通訊冇咁方便,當年嘅人通常會約喺一個指定燈牌附近等對方,而張姐同周漢寧今次為咗呢齣電影,學習製作霓虹燈,對呢門工藝加深了解,張姐表示香港曾經係全世界最多霓虹燈嘅地方,每一個霓虹燈係經過畫圖,再搵幾個師傅趕工,呢門藝術唔係咁簡單。

《愛.回家》譚道德嫁女!陳榮峻收親家聘書超開心 女兒移居新西蘭任護士

陳榮峻憑TVB處境劇《愛.回家之開心速遞》飾演「譚道德」成功入屋,陳榮峻噚日喺IG貼出一張疑似係親家提親嘅聘書,公佈愛女即將結婚呢個喜訊。

陳榮峻兒子頴聰貼出家庭合照。
陳榮峻今日喺IG貼出嫁女相。

聘書見親家大讚陳榮峻女兒頴儀(Jessica),陳榮峻收到親家嘅誠意,表示超開心,感覺女家備受尊重,估唔到今時今日仲有傳統禮儀!
陳榮峻噚日喺IG貼出一張疑似係親家提親嘅聘書。

陳榮峻今日喺IG貼出嫁女相,原來愛女於奧克蘭嘅St. Patrick's Cathedral舉行神聖婚禮,呢間大教堂係奧克蘭市天主教堂,以哥德復興式建築,建立於1841年為奧克蘭最迷人嘅建築之一。

陳榮峻帶愛女進場,佢笑問:「嗰造型似唔似新郎哥。」陳榮峻與吳香倫於2015年拍拖,2018年結婚,陳榮峻仔女亦接受吳香倫呢位繼母。

陳榮峻早年與圈外妻子鄭安麗結婚,育有兩子一女。鄭安麗於2010年因腦溢血離世,陳榮峻難走出喪妻之痛曾欲輕生,幸有好友開解走出陰霾,陳榮峻與吳香倫於2015年拍拖,2018年結婚在四代同堂見證下再為人夫,仔女亦接受吳香倫呢位繼母,陳榮峻曾透露阿女中學時已前往新西蘭留學,目前喺當地任職護士。 
陳榮峻曾透露阿女中學時已前往新西蘭留學,目前喺當地任職護士。

 相關推薦

熱門搜尋