新四十二章丨鄭子誠率炒股12成員晒求婚必勝法未婚妻臨門慘被殺死？

TVB熱播劇《新四十二章》噚晚（20日）劇情可謂遊走甜蜜天堂與傷心地獄，一算（鄭子誠飾）欲與小琳（葉凱茵飾）結婚，小琳暗中自掏30萬幫補一算，情節感人。一算雖然周身冇錢，為咗氹小琳開心仍聯同「炒股12成員」、租客們、章經（陳豪）及柯仔（周嘉洛飾）等，上演浪漫求婚大龍鳳；眾人以唔同造型又唱又跳，正當以為一算與小琳大團圓，小琳喺試婚紗當日離奇墮樓，送院後情況危殆，為咗幫小琳打氣，一算強忍傷心喺家中舉行狂歡派對，生性孤寒嘅一算更一反常態賣大包益街坊，令Mon姐（江嘉敏飾）更加擔心。

一算（鄭子誠飾）欲與小琳結婚，不過錢唔夠，佢叫阿女Mon幫忙籌旗。小琳暗中自掏30萬幫補一算。
談到求婚場面，絕對係落足心思，除咗舞蹈及走位明顯經過悉心編排，全場逾20個角色造型亦有用心打造，主角陳豪嘅神父Look，「索爆新娘」李君妍（飾演助教Edith）、「反串」譚永浩（飾演電腦奇才勝基）、以及「睡衣」蘇麗明（飾演馬太）均相當搶眼。向來係網民至愛嘅君妍，是次造型相當多變，包括斯文教書Look、賢慧執屋Look，以及靚靚新娘Look亮相。

呢幕求婚大龍鳳，夾埋隻襯底情歌。全場逾20個角色造型亦有用心打造，主角陳豪嘅神父Look。
君妍受訪時感激監製Joe每次都會讓她嘗試不同性格及造型的角色，坦言首度為拍劇著婚紗：「套婚紗又唔係好正式嘅，頭飾係髮型部同事特登搵畀我，我覺得好特別，算係非一般新娘Look。」譚永浩笑指化妝同事當佢係女artist咁化妝，又黐雙眼皮膠紙，又黐假眼睫毛，戴埋假髮，譚永浩入行以嚟第一次化一個完整嘅女人妝，足足整咗個幾鐘。

「反串」譚永浩（飾演電腦奇才勝基）。求婚場面絕對係落足心思，舞蹈及走位明顯經過悉心編排。葉凱茵喺求婚場口更感動流出真眼淚。 感激劇組賜予顏值巔峰
葉凱茵喺求婚場口更感動流出真眼淚，打趣叫老公反省吓：「呢場戲超級感動，我老公冇咁做過，佢睇到真係要反省吓。好多謝監製寫場咁好嘅戲畀我留念。」曾有「秘書王」之稱的葉凱茵，2002年透過參選港姐入行，至今參與劇集作品超過140部，升呢人母後近年多數飾演媽咪。

凱茵受訪時指小琳係其近年最喜愛角色，笑言鄭子誠係其母親偶像。正當以為一算與小琳大團圓，小琳喺試婚紗當日離奇墮樓，送院後情況危殆。
凱茵受訪時指小琳係其近年最喜愛角色，笑言鄭子誠係其母親偶像：「好多謝監製，今次角色唔單止有發揮，仲可以扮吓靚，又有感情線，我真係好耐未做過呢類角色。現實中我媽咪好鍾意音樂情人鄭子誠，所以可以同到音樂情人拍拖我好開心。」凱茵又開心指與子誠嘅天台談情戲，其顏值贏盡親友好評：「同事啦、我老公仲有我個仔都讚，所有嘢都好配合，個妝啦、陽光啦、衫啦，簡直係我顏值嘅巔峰，真係好開心。我要多謝梳化服同攝影師，仲有導演監製。」其實噚晚求婚一幕，同樣有唔少網民大讚小琳靚女兼擁有修長美腿。

一算強忍傷心喺家中舉行狂歡派對。 鄭子誠跳完狂歡舞險斷氣
至於子誠則係繼《七公主》的「生果舞」後再度「身手大開」，子誠受訪時自嘲「手腳不協調」，並指「生果舞」對佢嚟講難度極高：「因為有既定動作，我對於要喺邊個拍子做邊個動作係好唔協調，所以我係練得好辛苦，好彩嗰時係自己一個跳，有咩錯都可以兜得番。我試過同成班藝人跳舞，wide shot時我淨係見到自己係唯一一個唔協調啫。」

子誠透露是次將咸豐年嘅Disco舞步晒冷。

子誠又透露是次是將咸豐年嘅Disco舞步晒冷：「嗰場舞啲音樂我好熟悉，都算係跳番我Disco年代啲舞，自由發揮都叫容易啲。最大難度係有番咁上下年紀喇！但呢場戲拍咗好耐，我不斷跳完又跳，跳完又跳，我跳完呢個差唔多斷氣咁滯。」

一算為咗氹小琳開心仍聯同「炒股12成員」、租客們、章經及柯仔等，上演浪漫求婚大龍鳳。君妍受訪時感激監製Joe每次都會讓她嘗試不同性格及造型的角色。譚永浩呢個Look夠晒搶鏡！ 《新四十二章》逢周一至五晚八點半翡翠台播映