馮允謙度身造紅館個唱主題曲 化身發明家研快樂菌傳染正能量

馮允謙度身造紅館個唱主題曲 化身發明家研快樂菌傳染正能量

下月就舉行入行以來首個紅館個唱嘅「唱作王子」 馮允謙 ,為咗隆重其事早前特別製作演唱會主題曲《入場人士注意》,亦係佢2023年首支派台歌。Jay喺MV化身開心博士研製快樂菌感染全世界,散播正能量拯救唔開心嘅人,而MV尾聲Jay仲送上驚喜。

Jay喺新歌MV化身開心博士

新歌《入場人士注意》特別為今次紅館演唱會度身製作,Jay更參與新歌嘅曲、詞同監製,又邀請咗唔少音樂人合力打造演唱會主題曲。而拍攝MV當日,又安排咗20位喪屍妝扮嘅演員參與,佢哋由酒吧場景、滾軸溜冰場、實驗室追到街頭,Jay飾演嘅發明家就以「快樂菌」沿途散播正能量,Jay話:「今次MV唔使跳舞,但有一組動作喺MV裏面不停做。我希望到時演唱會上,台下觀眾都可以同我一齊做,一齊投入呢首歌,感染快樂氣氛。」

仲向生活到好似喪屍咁嘅人類散發開心菌拯救大家
佢話: 「今次MV故事同演唱會主旨好相似,見到世界變到好壞,啲人唔開心,所以發明快樂病毒,感染所有人。我希望入嚟睇演唱會嘅觀眾都感染到,好投入我個騷,變得更快樂!」

Jay喺拍攝現場亦似足MV當中發明家一樣,同飾演喪屍嘅年輕人打成一片,雖然拍攝足足十幾個鐘頭,佢哋又熱又攰不過依然有講有笑。MV最後Jay更向導演自薦以喪屍妝壓軸亮相。
Jay希望演唱會同新歌都會帶到正能量俾大家
演唱會舉行在即,Jay心情既興奮和緊張,早前佢就放假返加拿大探望父母親友,共聚天倫後充滿能量,佢話:「今次只係休息咗幾日,我當然好想再放長啲假期,真係太耐無放長假。不過我都好感恩,開騷前竟然有假放喎,好開心。休息完返嚟,個腦好清𥇦,工作更加投入,我又再充滿力量!」

盧廣仲相隔13年再來港舉行演唱會 預告騷後將投入新專輯製作

台灣三金天王盧廣仲相隔13年再喺香港舉行演唱會,濶別紅館多年再次重返呢個舞台,令盧廣仲相當興奮,呢晚佢連唱多首經典歌,又同樂隊一齊自彈自唱,令歌迷聽到如痴如醉。

完成演唱會後,盧廣仲隨即就要投入新專輯嘅製作,佢仲引用詩人無名嘅一句說話「在是非對錯等想法之外,還有一大片的原野」,盧廣仲話自己會喺呢片原野上等住歌迷們,希望喺未來佢嘅音樂同新專輯,可以繼續為大家喺呢片原野上,提供新鮮嘅空氣。

 相關推薦

熱門搜尋