澳門開騷坤哥與妻同行曬恩愛 Hubert大讚冇腳雀仔築巢變踏實

吳業坤 胡鴻鈞 仲有 關楚耀 呢日一齊喺澳門舉行音樂會，去年新婚嘅坤哥仲有太太 浜口愛子到場支持，真係恩愛到不得了，而坤哥就話婚後自己多咗份照顧屋企嘅責任，而繼上次同太太一齊拍MV之後，呢日仲即場再話隨時都歡迎客戶邀請夫妻檔上陣喎。

喺新歌MV當中演技非常唔錯嘅坤嫂，就連幕後工作人員都大讚演出感人，坤哥仲話自己嘅戲份都係被老婆帶住投入呀。早前佢哋喺日本偶遇當地紅星佐藤健，坤哥就話對方皮膚同顏值都完全係一流狀態，覺得驚為天人呀。

而Hubert呢晚亦都同相識多年嘅坤哥罕有合唱，仲大讚坤哥婚後變得比以前踏實，由冇腳嘅雀仔變到安定嘅大個仔，又話坤嫂非常賢良淑德係佢最強後盾咁話，不過佢自己就打算繼續做住雀仔先喇。

Kevin呢晚表演時仲直接落台同觀眾近距離接觸又不停自拍，近年集中戲劇工作嘅佢，仲話打算會專注音樂上發展呀。