新四十二章丨李君妍揭穿Frances真面目慘遇害 孫慧雪閃現逼鄭子誠狂唸急口令

新四十二章丨李君妍揭穿Frances真面目慘遇害 孫慧雪閃現逼鄭子誠狂唸急口令

下周四(3月2號)晚上8點半播映大結局《新四十二章》,劇情越趨緊湊,隨住小琳(葉凱茵飾)及肥叔(莫偉文飾)先後遇險,噚晚章經(陳豪飾)助教Edith(李君妍飾)亦慘死。助教Edith與螢嬌(龔嘉欣飾)日趨友好,喺阿嬌及兩位哥哥朱古力(林景程飾)及朱若望(易宇航飾)幫忙下,向劈腿負心男友Victor(黃耀煌飾)進行「剝光豬」大報仇,替李君妍出氣。


龔嘉欣與竹姬得知陳豪助手李君妍因男友偷情而心情低落。
黃耀煌飾演劈腿花心男。

Edith前往章經家中執拾時,意外得悉Frances(譚凱琪飾)接觸章經圖謀不軌,及後雖然強裝鎮定欲盡快離開,但Edith不幸露出馬腳,最終遭槍殺並由白衣人抬走,隨後施朗(戴耀明飾)殺出KO白衣人再將Edith遺體帶走;另一邊廂,阿嬌與Frances見面,並感應到對方另一維度身份係吳三桂,Frances奸險真面目逐漸外露。


Edith因為聽到啲唔應該聽到嘅嘢。李君妍到陳豪家時意外發現譚凱琪的秘密,結果被白衫特攻射殺。
對於「一集死一個」,網民普遍大感不捨,並對剩下嘅「炒股12成員」安危感到擔心。談到成為「死亡名單」其中一員,李君妍笑指之後其實仲有機會出場,是次係佢入行多年以來首次因為拍劇收到最多利是:「因為我死咗之後都仲要出場好多次,大家睇落去就會明,同屍體有關,個造型都有啲特別。」談到飾演屍體難忘之處,李君妍續說:「主要難度係閉氣要閉好耐、又唔可以郁動,我有練習過嘅,我發現只要控制到慢慢吸同慢慢呼,人哋就唔會發現你郁架喇。」

Edith之死引發一場屍體爭奪戰。李君妍笑指之後其實仲有機會出場。

劇集繼續貫徹輕鬆搞笑位,先有一直被指個樣倒模陳慧嫻嘅糖妹,獻唱對方經典金曲《跳舞街》,由於糖妹無論聲線及樣子均神還原,令網民大感驚艷;另外「瘋狂版」孫慧雪閃現彩蛋,亦為網民帶來驚喜,事緣一算(鄭子誠飾)為咗追查殺死小琳真兇,四出搜尋附近店舖嘅閉路電視影片,其間遇上便利店店員雪雪,原來佢係一算鐵粉,先要求一算Selfie,又逼令一算狂唸急口令,搞到一算聲都沙埋,最終一算駭然發現雪雪原來精神失常兼假扮店員,令網民坦言「笑到碌地」。

雪雪大派誇張表情包,網民笑到碌地之餘,仲大讚雪雪巧靚女。明明係想搵閉路電視影片,搞搞吓變咗玩急口令。糖妹神還原《跳舞街》掀起熱討。糖妹與馬海倫的關係突飛猛進,更和周嘉洛越來越好。

雪雪坦言拍呢一場戲相當開心:「我哋有試唔同力度,有誇張版又有冇咁誇張版畀導演選擇,我哋拍完都覺得好滿足,多謝大家鍾意。」是次係雪雪繼《殺手》後,再與子誠結片緣,雪雪透露係監製精心安排:「今次我呢場客串係監製特登安排,因為佢覺得我同子誠出嚟搞笑一定有火花,估唔到真係好似佢預料咁,我都好開心甫出嚟後真係有網民記得係陳查理同Yumi。」 


大結局《新四十二章》,劇情越趨緊湊,龔嘉欣追尋失踨的李君妍期間,有重大發現!龔嘉欣感應到譚凱琪係吳三桂!
《新四十二章》逢周一至五晚八點半翡翠台播映

陳豪羅子溢各自攜妻澳門街頭狂放閃 劉嘉玲係幕後軍師?!

近排澳門市民同遊客頻頻野生捕獲明星蹤影,其中有網民影到楊茜堯同羅子溢喺澳門街頭浪漫咀嘴,原來兩人正喺當地拍攝劉嘉玲主持嘅內地真人騷《嘉人自友約》,有網民拍到嘉玲姐、楊茜堯同羅子溢去澳門手信街揀美食。

楊茜堯同羅子溢去澳門手信街揀美食。

有網民喺早兩日喺澳門著名咖啡廳捕獲另一對恩愛CP陳豪及陳茵媺,而嘉玲姐都喺店內,呢位網友大讚女神嘉玲姐好有氣質,網民側拍亦見陳氏夫婦有深情攬攬嘅環節,相信嘉玲喺節目中為兩對恩愛夫妻安排咗一場浪漫之旅。

澳門著名咖啡廳捕獲另一對恩愛CP陳豪及陳茵媺。

其實嘉玲早於2月嗰陣有透露節目即將開拍,估唔到拍攝進度咁快,早前網民分別喺唔同地方捕獲到嘉玲孖佘詩曼、朱茵、吳君如等拍攝節目,根據節目海報公布嘉玲亦請到眾多好友李若彤、葉童、鄭裕玲、楊采妮、莫文蔚等作客節目,相信陳氏同羅氏CP應該係隱藏特別嘉賓。
吳君如同劉嘉玲於1983年考入第12期無綫電視藝員訓練班,二人相識多年。劉嘉玲與朱茵因拍攝2004年電影《性感都市》相識,兩人這次在節目《嘉人自友約》暢談自己嘅另一半。劉嘉玲近日主持節目《嘉人自友約》,邀請佘詩曼去西貢揀海鮮。影后劉嘉玲主持的綜藝節目《嘉人自友約》播出後,引起不少關注。

 相關推薦

熱門搜尋