隱形戰隊|總動員整裝現身出動 馬明被監製逼出勇武剛烈

隱形戰隊|總動員整裝現身出動 馬明被監製逼出勇武剛烈

新劇《隱形戰隊》3月6號就會正式播出,而當中一班神秘部隊嗁成員,呢日就以全套裝備現身商場嘅宣傳活動,真係有型又有款呀。而啱啱同 湯洛雯 去完旅行返港嘅 馬國明 已經投入工作,仲話新劇角色係自己未嘗試過咁剛猛多動作呀。

唐詩詠 亦都話要多謝監製 文偉鴻 發掘到自己嘅另一面,仲認為同對方合作大挑戰性之餘亦都非常刺激呀。

陳山聰 同 江美儀 視帝視后同劇合作,佢哋就話當中火花四濺喇,而切磋演技之餘其中一日仲撞正係美儀生日,但係就因為大家都要投入情緒而招呼都冇打,拍完先正式再慶祝呀。

劉穎鏇 同 劉佩玥 呢日都以小背心上陣,有型之餘不失女人味,Tiffany同阿Moon就話大家記得慢慢欣賞佢哋嘅唔同造型,仲話今次劇情佢哋打鬥開槍乜都齊呀。

今次拍攝為咗真實,監製就話製作時決定棄用氣槍而花費鉅資用真槍拍攝,為咗畫面靚仲遇到好多困難,好在一班演員落力克服咋。

麥明詩盛勁為舉辦婚宴 林作媽媽現身送祝福

麥明詩同盛勁為喺3月24號擺酒舉行婚宴,獲馮盈盈、鄭衍峰、同麥大力擔任兄弟姊妹團,一對新人甜蜜咀嘴,幸福滿瀉,Louisa喺結婚過程中多次開心到喊,好多朋友更祝福佢哋早生貴子,佢哋都話有呢個計劃,仲話會趁婚假養精蓄銳為生BB做足準備。

而呢晚劉佩玥、吳業坤、江美儀、陳庭欣、戴祖儀、郭子豪、鄧卓殷、丁子朗、洪永城、唐詩詠、黃德斌、翁嘉穗同老公都有到賀,但最驚喜嘅莫過於係Louisa舊愛林作嘅媽媽王莉妮現身,原來佢係以Louisa契媽身份送上祝賀,佢更大讚盛勁為好靚仔好型,自己個仔完全比下去,林媽媽仲話覺得好可惜,之前一直好想阿仔箍煲,最終事與願違。不過林媽媽阿仔都有託佢向Louisa送上祝福。

林作同裕美日前post出結婚相,問到林媽媽囝囝係咪都好事近?林媽媽竟然話林作影婚照係因為受到刺激,仲話自己安慰阿仔叫佢睇開啲,至於講到會畀裕美呢個準新抱幾多分?林媽媽似有難言之隱,只係話佢合格咋。

盈盈見證住好姊妹Louisa覓得真愛都好戥對方開心,佢仲話喺一對新人之間嘅互動,已經感受到佢哋係有幾恩愛,佢仲大讚兩人係最佳拍檔。至於兄弟之一嘅麥大力,之前喺美國滑雪傷腳,雖然仲要撐住拐杖,但大力都堅持上陣,認真唔話得,而Leonard就分享咗兩人相處嘅小趣事。

而啱啱再榮升做爸爸嘅洪永城,就再次同大家分享喜悅,佢仲話細女似媽咪多啲,而大女見到妹妹都好開心,仲鍚咗妹妹一啖添。

 相關推薦

熱門搜尋