同日前遇害嘅名媛份屬好友嘅 方媛 ，今日下午未有同郭富城一齊現身馬場，到晚上佢終於首次喺社交平台開腔回應事件。過往不時同死者見面嘅佢，以一朵白花作出悼念，亦留言寫道：「心情極度悲痛，此刻仍無法接受這是事實！內心難過得無法言喻，只有一千個為什麽？痛心的情緒至今仍然未能平伏！祈求安息。」

螢幕截圖 2023-02-26 下午10.00.29.png

據同譚家有極深交情嘅豹太接受訪問時指，死者Abby同方媛應該係出席品牌活動時認識，自此後成為好友，雙方不時見面。

方媛對好友遇不測突然離世十分悲痛

郭富城相隔8年重臨新加坡舉行演唱會，今年重啟世界巡迴旅程，城城率先完成美加站，再展開第二階段巡唱，首站就係新加坡開騷，歌迷反應非常熱烈，兩場門票瞬間秒殺，呢位舞台王者全程勁歌熱舞俘虜歌迷，現驚人彈跳力，狀態十足，歡呼聲不絕於耳。

城城先以經典快歌《狂野之城》、《唱這歌》打開序幕，現場氣氛熾熱，歌迷們紛紛企起身邊跳邊唱，接住城城連串經典慢歌，歌迷冧爆和唱，心情大好嘅城城不時與歌迷玩估歌名；城城喺台上向歌迷表示8年冇見非常想念，讃新加坡歌迷又熱情又長情，城城喺演唱會尾聲唱《愛的呼喚》答謝歌迷默默支持及鼓勵；著名電視製作人蔡和平及家人更專程前來捧場，連睇兩晚，盛讃城城超水準演出。