蔡天鳳碎屍案｜方媛開腔悼好友：一千个为什么？

同日前遇害嘅名媛份屬好友嘅 方媛 ，今日下午未有同郭富城一齊現身馬場，到晚上佢終於首次喺社交平台開腔回應事件。過往不時同死者見面嘅佢，以一朵白花作出悼念，亦留言寫道：「心情極度悲痛，此刻仍無法接受這是事實！內心難過得無法言喻，只有一千個為什麽？痛心的情緒至今仍然未能平伏！祈求安息。」

據同譚家有極深交情嘅豹太接受訪問時指，死者Abby同方媛應該係出席品牌活動時認識，自此後成為好友，雙方不時見面。