周興哲 一連兩場紅館演唱會尾場，除咗有 容祖兒 同 鍾鎮濤 夫婦到場欣賞之外，佢仲邀請咗 人氣爆燈嘅 MC張天賦 擔任嘉賓，不過MC登場時升降台就發生故障，幸好未有意外，亦未影響佢哋合唱嘅投入氣氛。

原來今次係佢哋呢兩位網友嘅首次見面同合作，已經一早互相關注嘅佢哋亦非常欣賞對方，呢晚MC仲即場公開喺台上向Eric邀歌，最後更獲對方大方答應。不過事後Eric接受方問時，就話要歌條隊其實都唔短，MC可能要等等先得喇。

呢兩晚Eric分別邀請咗G.E.M.同MC擔任嘉賓，佢就話其實有特別原因，而揀咗表演學友同Eason歌曲表演，亦都係特別為香港歌迷準備，仲以廣東話向香港歌迷道謝。佢又話今次表演只得兩場完全唔夠喉，仲話希望下次要以為場起跳呀。

今年初 J2 推出旅遊節目《自然系女子旅行》，搵嚟台灣三大女神林襄、張雅涵同黃上晏坐鎮，引起唔少話題，有見及此J2 乘勝追擊，誠邀台灣女神林莎拍攝新一季《自然系女子日本旅行》，佢將會同節目主持 暉哥 林映暉玩轉日本！
暉哥同林莎已經出發咗去日本拍攝。林莎喺IG share咗唔少靚相。林莎有 台版三上悠亞 之稱。
有台版三上悠亞稱號嘅林莎，憑住甜美臉蛋加上 32D嘅身材，IG 有近100 萬 followers。對於將會加入新一季《自然系》嘅拍攝，林莎直呼非常期待：「因為平常工作很忙碌，能親近大自然的機會滿少的，我通常去日本也都是去都市，每次看到照片中的日本自然景觀，都很期待有一天可以親自前往！」自言好鍾意浸溫泉嘅林莎，仲預告喺節目入面佢哋將會去到石川縣體驗當地嘅溫泉，令佢相當期待。
暉哥同林莎喺日本玩得好開心。
而再次冧莊做主持嘅暉哥，就多謝團隊畀機會自己，亦非常感謝觀眾嘅支持，暉哥話帶望嚟緊會有機會帶大家去其他國家旅行。講到嚟緊會同女神林莎合作，暉哥就話自己都係對方嘅follower，所以佢對呢次合作都超期待，暉哥仲笑言：「希望之後如果再開新一季，可以再請多啲我嘅女神，畀我認真工作之餘，同時可以圓夢！」
佢哋仲開live講呢幾日拍攝嘅趣事。
雖然節目仲拍攝緊，但林莎同暉哥已經急不及待，喺J2嘅社交平台開直播同大家分享當地經歷，身處日本北陸地區嘅兩人大讚當地風景優美，仲話此行食咗唔少美食。林莎仲連環晒廣東話「我識聽唔識講啦」、「食飯喇」、「好好食」、「我好鍾意你」，之後又話自己好鍾意香港：「去過香港十多次，我會自己無聊地坐飛機去香港吃東西，我很愛香港食物，好像燒臘和各種港式點心！」氹得一眾fans勁冧。