好市民獎｜汪阿姐帶隊任好市民獎嘉賓 甄子丹疑避答蔡天鳳案未受訪

好市民獎日前舉行頒獎典禮， 汪明荃 就同 谷婭溦 林沚羿 仲有幾位《 中年好聲音》參加者一齊擔任嘉賓，而主禮嘉賓 甄子丹 疑為避免傳媒追問 蔡天鳳 慘案喧賓奪主而未有受訪，只係直接上台為活動致辭。

而50年前首屆頒獎已經擔任嘉賓嘅Liza姐，就話相隔半世紀再獲邀請非常高興，更加話近日重拾執筆寫書法嘅樂趣，仲話要好好練習同研究呀。

而Bill哥哥 吳大強 同 顏志恒 早前喺節目合唱《總有你鼓勵》大獲讚賞，但係最近一集嘅譚詠麟金曲挑戰，唱開英文歌嘅Bill哥哥就話自己一向都愛唱譚校長歌曲，反面Benson就話對自己係好大挑戰喇。

吉吉當日喺現場向太太道歉冧到暈，比賽之餘又氹到老婆直情係一曲兩用呀。而尚未出場嘅 林鉫徫 一樣有唔少困難，仲話會投入好多感情演出呀。

谷婭溦 就透露早前為新歌試填廣東話歌詞，但係效果就似乎唔太滿意，仲被監製當頭棒喝，仲話暫時要先放棄呢個挑戰喎。