呂方玩創新挑戰跳唱 確診後易忘詞騷前加緊綵排

呂方玩創新挑戰跳唱 確診後易忘詞騷前加緊綵排

闊別紅館八年,呂方適逢入行40週年重回大舞台,舉行一連兩場演唱會,呂方早喺1月時確診新冠,雖然佢已康復,但係呂方坦言記憶力受到影響,騷前必須加緊排練,更為此次個唱成功減咗8磅,呢日佢為演唱會綵排,音樂總監倫永亮在場為佢打氣。

呂方笑言慣咗咁多年,上台仲係覺得緊張,難以克服,倫永亮指佢每次都記熟歌詞,一定記得幾時入key,呂方綵排時陶醉在音樂當中,不時搖擺,呂方稱自己快歌唔多,只可以唱嗰啲歌郁吓,大部份係跳慢舞。

倫永亮預告呂方將獻唱多首金曲,好友譚詠麟、張學友亦有拍片打氣兼點歌,呂方開騷獲得家人支持,當晚太太及愛女喺後台探班以示支持,因為呂方擔心女兒未能適應環境,又怕阿女喺觀眾席坐唔定。

汪明荃胡楓蘇永康獻聲 陳淑芬入行50年演唱會星光熠熠

《陳淑芬.星星相識50年.演唱會》日前在澳門圓滿完成,表演嘉賓星光熠熠,汪明荃、胡楓、呂良偉、鍾鎮濤、陳潔靈、莫文蔚、張智霖、陳松伶、謝天華、譚耀文、龍婷及蘇永康等,以及《聲夢傳奇》歌手張馳豪、林智樂、文凱婷、孫漢霖、劉詠彤及劉芷君,一齊唱盡不少經典金曲。

《聲夢》歌手唱《Stand Up》、《H2O》及 《Monica》揭開序幕,然後譚耀文唱電視劇《縱橫四海》主題曲 ,適逢今年係陳太陳淑芬入行50年,3月22號係陳太生日,佢帶領全場觀眾向壽星講生日快樂;龍婷則獻唱鄧麗君曲《我只在乎你》。 

張智霖唱《歲月如歌》、《幾許風雨》,阿姐汪明荃則獻唱《勇敢的中國人》,阿姐好開心參與陳太派對,而胡楓壓軸出場,喺舞蹈員陪同下演繹《情花開》,

陳太感恩此時此刻依然能夠喺演出娛樂行業服務大家,特別請嚟音樂人創作一首歌曲《圓滿人生》,感激半世紀旅途有大家陪伴及信任,成就陳太圓滿人生。

 相關推薦

熱門搜尋