StarTalk丨黃妍麥花臣開騷 錄新歌MV自嘲上身跳舞下身唔知做乜

StarTalk丨黃妍麥花臣開騷 錄新歌MV自嘲上身跳舞下身唔知做乜

創作女歌手黃妍 接受《StarTalk》主播 許文軒 訪問,佢即將喺旺角麥花臣場館舉行個人音樂會,黃妍今次個唱以「恐懼」作為主題,仍解釋兒時曾遇溺對水有陰影,一直對周圍有水嘅場景有恐懼,多得同事幫佢努力克服,本來工作人員想叫佢喺水缸內拍攝,後來改咗叫佢穿一條3D print嘅裙,感覺似水波!

黃妍吸取過往喺唔同場館開騷經驗,會不停改進演出技巧,而佢另一個「恐懼」就係跳舞,黃妍笑言:「呢個真係搞唔掂,我上次個唱跳咗舞,跟住我個同事唔知我跳咗舞,仲問隔籬同事知唔知黃妍幾時跳,另一同事話佢啱啱跳完,佢話好似耍咗套拳咁,總之係老師叫我唔好做嘅,我全部做晒。」

黃妍喺今次拍攝新歌MV《異地書》大膽挑戰現代舞,導演叫佢跳舞,本身佢一口拒絕,身體肌肉追唔上拍子節奏,之後黃妍跟老師上堂,開始發現冇想像中咁難,多得老師從旁提點,只要跟住老師做,感覺自己好似跳舞跳得好勁咁,只係睇上身,睇埋下身就唔知自己做緊乜,今次開騷,佢亦講明唔會跳舞。

汪明荃胡楓蘇永康獻聲 陳淑芬入行50年演唱會星光熠熠

《陳淑芬.星星相識50年.演唱會》日前在澳門圓滿完成,表演嘉賓星光熠熠,汪明荃、胡楓、呂良偉、鍾鎮濤、陳潔靈、莫文蔚、張智霖、陳松伶、謝天華、譚耀文、龍婷及蘇永康等,以及《聲夢傳奇》歌手張馳豪、林智樂、文凱婷、孫漢霖、劉詠彤及劉芷君,一齊唱盡不少經典金曲。

《聲夢》歌手唱《Stand Up》、《H2O》及 《Monica》揭開序幕,然後譚耀文唱電視劇《縱橫四海》主題曲 ,適逢今年係陳太陳淑芬入行50年,3月22號係陳太生日,佢帶領全場觀眾向壽星講生日快樂;龍婷則獻唱鄧麗君曲《我只在乎你》。 

張智霖唱《歲月如歌》、《幾許風雨》,阿姐汪明荃則獻唱《勇敢的中國人》,阿姐好開心參與陳太派對,而胡楓壓軸出場,喺舞蹈員陪同下演繹《情花開》,

陳太感恩此時此刻依然能夠喺演出娛樂行業服務大家,特別請嚟音樂人創作一首歌曲《圓滿人生》,感激半世紀旅途有大家陪伴及信任,成就陳太圓滿人生。

 相關推薦

熱門搜尋