小巨肺G.E.M. （鄧紫棋）近年主力內地發展，最近喺香港出席周興哲演唱會表演嘉賓，日前又回歸樂壇推出新專輯，搞作多多似係留港一段時間，未知會唔會喺香港有更多演出呢?

早前傳出其好姊妹何超蓮將於4月與竇驍喺峇里舉辦婚禮豪擲5000萬，有指超蓮姊妹團有鄧紫棋、李蘊、JW、Twins及薛凱琪等，當中鄧紫棋擔任伴娘，在婚禮上獻唱，G.E.M. 近期擔任一個科技美膚項目嘅全球品牌代言人，相信屆時若真的出席婚禮，必定保持到最佳狀態！

G.E.M. 近期擔任一個科技美膚項目嘅全球品牌代言人

其實G.E.M.一向有分享護膚心得，譬如自創凡士林面膜法，讓內地網民開始對佢嘅護膚秘訣感興趣，G.E.M.受訪時提及到自己膚質屬於敏感泛紅肌，皆因歌手喺演唱會時，要化上誇張濃厚嘅妝，妝容脫落時更要不停補妝維持「最佳狀態」，令肌膚帶來負擔，變得泛紅不穩定，加上G.E.M.無間斷為創作熬夜、作息唔定時，嚴重影響其皮膚，尤其係佢錄製專輯嗰陣，冇好好管理皮膚嘅情況下，缺乏休息、疲憊憔悴嘅痕跡，即喺面上表露無遺。

G.E.M.受訪時提及到自己膚質屬於敏感泛紅肌

此外，G.E.M.日前最新發行創作專輯與音樂連續劇《啓示錄》中，佢將自己對當今社會問題睇法，包括人們缺乏安全感嘅掙扎焦慮、生活挫折下嘅迷失，仲有網絡暴力嘅傷害等問題，寫進14首歌曲，並打破自身界限首次擔任主創、編劇及監製，以連續劇形式展示最真實嘅自己。

資深藝人溫裕紅(Esther)於5月19日安詳離世，終年54歲。溫裕紅早年主持婦女節目《都市閒情》，同時亦有參與劇集演出，曾效力無綫23年，早前播出嘅《食腦喪B》為佢嘅告別作。

溫裕紅喪禮於下月中設靈，翌日舉行安息禮拜，上午11時隨即出殯，靈柩奉移火葬場火化。

溫裕紅於2005年不幸確診患上乳癌，當時已經擴散到淋巴，不過一直積極樂觀抗癌，接受化療時要剃頭同包頭巾，後來醫生建議佢做手術將乳房切除，幸病情終於能夠控制。鄧萃雯其後為佢介紹整形醫生接受重整乳房，朋友林淑敏2010年患上乳癌，溫裕紅以過來人身份全程陪伴她度過艱難的日子，二人成為好姊妹。溫裕紅曾於2020年受訪時透露，自己身體情況好好，唔需要再服藥，只需每年做定期身體檢查。

不過與佢相熟嘅 韓馬利 就指，知悉Esther近年癌症有復發情況，但係佢依然不時同朋友見面，而近月情況亦轉趨嚴重，佢指目前喪禮後事由教會同胞姐協助處理。

自從溫裕紅離巢後，生活過得非常低調，閒時會相約朋友行山。林建明於2022年曾與溫裕紅飯聚，見溫裕紅戴上頭巾且身形消瘦。

溫裕紅早於中學年代一直玩話劇，畢業後報讀演藝學院，後來面試成功被TVB取錄成為無綫藝員。溫裕紅在TVB多年拍近百部電視劇，如《巴不得媽媽...》飾演男性化「魯玉芬」、《仁心解碼II》飾演黎繼鵬太太、《降魔的2.0》飾演「啤啤」媽媽，《BB來了》演李佳芯女強人上司Bianca，角色令人印象深刻，得到觀眾讚賞。