最近張學友相隔8年再推出國語單曲《又十年》，之前佢已經講過首歌猶如佢人生嘅寫照，呢日佢拍片解說呢首歌，學友話：「歌詞中所寫的事會令我想起從前，比如以前會喝酒、會約朋友聚會，現在少了。以前看不開或解決不到的問題，現在都變得沒甚麼大不了。」

對於歌詞入面提到「那些轟轟烈烈讓人懷念已經跟我没有關聯」，學友亦相當有感觸，佢仲話轟轟烈烈係年青時，先會有嗰種不顧後果嘅任性，佢話：「如今回首過往會有種無法挽留的無力感，面對與自己已經無關的不捨時，還是會有點難過。」

雖然唱到眼泛淚光，但學友唔認為首歌曲係太沉重，只係提醒大家要珍惜時間，要抱住「好好咁過、好好地做」嘅心態，因為年青時總覺得時間過得好慢，唔會理解同時間競賽嘅道理，但當年紀漸長先知道時間係無情嘅，就好似歌詞入面所寫嘅「時間它殘忍起來毫無道理可言」咁，學友亦感慨咁話：「當時間過得越快，你的時間就越少，這是大家都要面對的事實，無限的時間、有限的生命。」

之前傳出過學友籌備緊演唱會嘅消息，呢日佢再鬆口話準備好就會公佈：「不要以為我做過很多次演唱會就可以駕輕就熟，不一樣的演唱會，自然就要面對不同的問題與挑戰。現在可以說的就是，未來半年內我準備開演唱會。」

TVB公布上周（22日至28日）收視，根據CSM媒介研究及YOUBORA收視資料數據顯示，資訊節目《 東張西望 》跨平 台直播收視最高21.5點 （138萬觀眾）；《愛·回家之開心速遞》最高收視21.1點 （136萬觀眾）；《川內相親》最高收視19.2點（124萬觀眾）；由陳法蓉飾演媽媽生，帶領旗下囡囡姚子羚、鄺潔楹、蔡潔等演出嘅《一舞傾城》， 最高收視19.1點 （123萬觀眾）； 《肥媽李鼎》 最高收視16點（103 萬觀眾）。

「姑爺仔」Dave偷食地產妹，Monica終極覺醒嗌分手。

由無綫新聞及資訊部製作，方東昇、黃曉瑩及李曉欣主持嘅新節目《好睡好起》上周四首播，最高收視15.9點（102萬觀眾）。 周六晚由蔡思貝主持《貝遊英倫》播出第二集，最高收視 14.2點（92萬觀眾）；《馬時亨 香港情》嘉賓譚詠麟喺節目中暢談音樂情懷，勾起一眾集體回憶，最高收視13.2點（85萬觀眾）。

方東昇團隊又出動喇！今次佢哋嘅身份係「傳覺士」。

蔡思貝大歎火焰牛扒，跳晒舞咁，勁Chill！

周日晚節目《思家大戰》 第三周播映，收視持續上揚，最高收視20.1點（129萬觀眾）；緊接播映之《中年好聲音夢想成真演唱會》最高收視19點（122萬觀眾）。
蕭正楠花式晒恩愛，暗爆黃翠如扯鼻鼾兼唔執屋，伍仲衡答TVB邊對情侶最恩愛，引來全場哄動，李思捷當場O嘴。