容祖兒（Joey）出發前往新加坡，舉行一連兩場《Pretty Crazy演唱會世界巡迴演唱會》，緊接4月中將於澳門演出8場演唱會，行程忙碌到爆炸。 疫情完結，世界各地歌迷等到頸都長，祖兒世界巡迴演唱會終於再啟動，早前佢已經到馬來西亞、大西洋城，拉斯維加斯，Reno、溫哥華、多倫多等演出共8場。

容祖兒行程忙碌到爆炸。 疫情完結，世界巡迴演唱會終於再啟動
容祖兒今次喺新加坡舉行2場個唱，4月又到澳門一共演出8場《容祖兒Eternity演唱會》，佢下半年將去澳洲。祖兒剛喺巴黎時裝周回來，此行跟阿Sa（蔡卓妍）攝時間shopping及享受美食，最開心係可以去英國見老朋友黃偉文，相約作曲人翁瑋盈一齊喺英國飲茶，祖兒表示十分開心：「Pretty Crazy演唱會個陣，翁瑋盈個BB仲係佢個肚裡面，依家再見已經係一個三歲多小朋友，見到面大家都感覺時光飛逝，好珍惜可以相聚光陰。Wyman好好，畀咗好多意見我呀！上次Pretty Crazy演唱會都係佢做形像總監，今次我照佢意見，去睇咗好多靚衫，為嚟緊演唱會準備。」

容祖兒最開心係可以去英國見老朋友黃偉文，相約作曲人翁瑋盈一齊喺英國飲茶

祖兒表示十分開心：「Pretty Crazy演唱會個陣，翁瑋盈個BB仲係佢個肚裡面，依家再見已經係一個三歲多小朋友。」

早前飛往美加巡迴，祖兒指當中有好多難忘回憶，做騷之餘，有時間留喺當地休息幾日，再去另一個城市，呢啲空檔日子，讓佢喺多倫多睇咗BLACKPINK演唱會，又於LA睇咗The Weeknd演出，The Weeknd八萬人嘅演唱會尤其讓佢震憾，「入到去個場，我坐喺下面望上去觀眾席，覺得人群係坐喺天際一樣。Weend把聲又有感染力，現場氣氛又好到不得了，最驚嘆係咁多人都秩序良好，個騷同樣係幫我設計Pretty Crazy舞台嘅Es Devlin設計舞台，所以製作當然係一流啦！」 祖兒觀摩其他國際巨星演出，每次都有吸收及新領悟，學到唔少嘢，佢亦見到即將誕生的明日之星：「我喺加拿大仲去咗兩間著名大學，佢哋搞廣東歌比賽，邀請我去做頒獎嘉賓，班小朋友又年青又有活動，個個對唱歌好有熱誠。」

祖兒去睇咗好多靚衫，為嚟緊演唱會準備

今次美加行程，祖兒發生咗小意外：「因為等上機有幾個鐘，於是我哋喺機場附近去食啲嘢。冇諗過返嚟，發現接我哋嘅保母車，我坐嗰個位置車窗俾人打爛，把我個手袋被搶走。」祖兒指其實司機一直喺車上，但當佢反應過來，只係來得及下車喝罵打爛車窗嘅賊人，保住佢哋所有行李，但保唔住我個手袋。手袋係新嘅，我好朋友送畀我，裡面有證件同少少現金。幸好我個passport喺身上，失咗身份證也可以上機回港。不然就慘啦 !而我嘅好朋友知道呢件事之後，竟然馬上又寄咗一個一模一樣嘅新手袋畀我，真的讓我好感動。大家都係話，最緊要人冇事。所以今次喺巴黎落倫敦，我哋坐火車都好緊張自己行李。」
祖兒此行跟阿Sa（蔡卓妍）攝時間shopping及享受美食

容祖兒相隔4年終於宣布香港開騷，歌迷等到頸都長，海報未出，演唱會名未定，內部認購已超額滿瀉。今日公開發售，33場門票被秒殺，火速售罄！ 

早前容祖兒為呢個騷影海報，當日大師林海峰影咗幾個鐘就宣佈可以收工。

容祖兒一共33場演唱會於7月13號開鑼，容祖兒得知歌迷於網上搶票好難，所以一早已經細心為歌迷會安排一日專場，但一日又怎夠歌迷四年相思之苦？容祖兒稱加場要同公司商量，諗緊係咪可以做多啲，帶點溫暖畀有需要嘅人，「其實為防打風落雨等，可能仲有少少檔期。諗緊如果可以，不如好似上次咁，加開慈善場，「大家一齊做啲有意義事，實行到等公司再宣佈。」 容祖兒決定再開個唱後，不少朋友問佢係咪傻咗，做咩咁辛苦唱咁多場，容祖兒認為喺紅館開騷係一個選擇，佢笑言可以明年或者喺開紅館，今次佢揀 APA(演藝學院 )係好想有一個同觀眾超近距離空間去分享時光。

容祖兒相隔4年終於宣布香港開騷，今日公開發售，33場門票火速售罄！

容祖兒稱6年前嚟過呢度睇騷嘅人會明白APA無論係做騷或者睇騷，絕對係另一個層次嘅感受同感動，而且歌迷都問咗佢6年會唔會再開呢種騷，容祖兒有感檔期及所有工作可以配合之下，就決定再做多次呢個騷，好想同大家一齊再享受一下，呢種近距離親密時刻！

容祖兒今次係原班人馬再出發。

早前容祖兒為呢個騷影海報，當日大師林海峰影咗幾個鐘就宣佈可以收工，令佢嚇一跳，「真係好多謝阿Jan，影海報嗰陣佢其實自己好忙，又舞台劇又好多其他工作，上一次《My Secret Live》都係佢設計海報，今次係原班人馬再出發，所以Jan再忙最後都答應幫手。

容祖兒感謝Jan多年來一直默默支持，幾乎全部紅館騷都係佢幫手錄好多VO。

容祖兒經常經過隧道附近見到自己張海報，就會諗起Jan，容祖兒感謝Jan多年來一直默默支持，幾乎全部紅館騷都係佢幫手錄好多VO，容祖兒初出道嗰陣Jan又喺電台節目大力推介其作品，今次有Jan助陣設計海報，容祖兒好安心：「好多謝佢揀咗呢張相，真係好呈現到一個最舒服悠然自得嘅我，今次係一個如何私密及悠然自得嘅騷。」

容祖兒一共33場演唱會於7月13號開鑼，容祖兒得知歌迷於網上搶票好難，所以一早已經細心為歌迷會安排一日專場。

容祖兒上次搵導演彭秀慧負責個騷，今次當然都係搵番佢幫忙，「APA係佢主場嘛，女導演會喺騷入面浸多一份溫柔，哈哈！彭秀慧話上次咁好，今次都有壓力，我信佢好有壓力，因為佢份人咁認真，一定會要求超越上次，所以連月來佢都不停逼我哋開會開會開會，佢已經聽緊我幾百張唱片揀歌，我想同步開放畀歌迷一齊揀，大家想聽咩去我IG留言，寫低歌名，我哋一定會睇到，同研究係咪適合，快啲留言畀我啦！」
今次有Jan助陣設計海報，容祖兒好安心。