電影泉攻略丨城城家棟拍小劇場介紹新片 今集送《斷網》換票證 ｜EP41

 王鎮泉 Jeoffrey    每星期為你提供最熱辣電影資訊，中外猛片專訪花絮上映時間全部集齊。「電影泉攻略」每周四買定爆谷陪你睇新戲。
郭富城喺新片《斷網》入面飾演黑客高手，點知畀飾演作上司嘅林家棟設計誤墮洗黑錢嘅天仙局，呢日佢哋嚟到《電影泉攻略》，仲夾住泉叔想做啲咩呀？原來係想同大家一齊睇下本周嘅新片速遞，兼送戲飛畀觀眾呀！

《斷網》講述黑客集團喺網絡播毒，飾演天才網絡保安主任嘅郭富城，利用自己研發嘅防火牆化解危機，點知原來黑客攻擊喺由飾演城城上司嘅林家棟操控，令到城城除咗冠上洗黑錢罪名外，仲置身險境陷入瀕死邊緣。梁朝偉同王一博主演嘅電影《無名》，講述中國諜戰時一班無名英雄嘅事蹟。《鯨》描述一名重達272公斤嘅男子，為咗同性情人而拋棄家人，喺情人離世後而暴飲暴食，直到佢遇上一位迷失嘅傳教士，先令佢正視自己嘅悲傷。《65：絕境逃生》Adam Driver飾演嘅飛船指揮官，喺飛船駕駛時因撞到原不明行星，而墜落6,500萬年前嘅史前地球，佢同船上唯一嘅倖存女仔點去求存。《奪命狂呼6》上集嘅鬼面殺戮事件後，僥倖逃出嘅眾人已離各自展開新生活，點個新一輪血腥風暴再嚟，唔知主演嘅人氣女星Jenna Marie Ortega今集仲可唔可以生還呢？

兩位影帝大駕光臨，除咗同大家睇新片速遞之外，最重要嘅當然係為大家送上換票證啦！今集「泉叔派福利」，頭10位答啱問題嘅觀眾，將會獲得《斷網》嘅換票證2張，名·額得10個！

問題係：電影《斷網》入面，郭富城同林家棟所飾演嘅角色全名係咩？

知道答案嘅朋友記得喺3月9日 22:00 - 00:00 期間，私訊到「TVB 娛樂新聞台Facebook專頁」，註明《電影泉攻略·泉叔派福利》。記得3月9日 22:00 前send嚟嘅答案係唔算數㗎！

最後最後，記得睇埋片尾城城同家棟拍嘅小劇場彩蛋呀！