解風東京丨杜如風美妝店親物試伏 於名牌二手中古店失守

解風東京丨杜如風美妝店親物試伏 於名牌二手中古店失守

被喻為潮人嘅杜如風,喺9號晚播出嘅一集《解風東京》,就發揮「潮人」功力,先後現身原宿美妝旗艦店同表參道型格潮牌玩具店,為大家介紹琳琅滿目的化妝品、護膚品及潮牌 Figure。

杜如風嚟到有「美妝夢幻聖殿」之稱嘅美妝旗艦店。
佢先去到一間佔地過萬呎、集齊 600 多個品牌、有「美妝夢幻聖殿」之稱嘅美妝旗艦店,入面嘅產品分類相當精細,除了有得獎產品、暢銷產品排行架呢啲基本嘢外, 當中仲有大量刁鑽產品,好似「眼用陰影筆」、「瀏海液」同「勾髮鬢神器」等,親身試伏嘅杜如風,試用完各樣產品之後,竟然直接畀負評:「我覺得好恐怖喎」、「我就唔係好想化呢啲妝啦,點解要整到自己有眼袋呢?」,完全貫徹佢直率性格。
仲要親身試伏。

之後嘅潮牌Figure店之旅亦相當精彩,呢間舖喺上年先開張,係唔少潮人必去嘅朝聖地,除咗裝修型格外,牆身「投射啤啤場」同地上嘅「立體啤啤格」都係打卡位。店內有多不勝數嘅Figure,當中仲有唔少限量同聯乘版,自嘲係「敗家女」嘅杜如風,當然對Figure嘅銷售行程相當了解,佢仲畀咗個超強貼士大家:「佢哋喺香港炒到天翻地覆,但呢度最好係原價買得到。」
又去潮牌Figure店。

仲記唔記得之前杜如風介紹過一間CP值超高、平價嘅「海膽六食」餐廳?食完平嘢之後,杜如風呢集就帶大家嘆食!首先係去位於新宿嘅頂級和牛食店,以價錢 32,000日圓(約 1,850 港元) 品嚐「豪華和牛盛宴」14 味,唔只每枱客人可以享用獨立房同有專人服侍,食材亦道道矜 貴兼有特色,包括「水魚和牛湯」、以生牛肉做主打嘅「嚴選和牛併毛蟹手卷」、「上等牛頸脊壽喜燒配白松露」及「牛柳配赤鯥土鍋飯」等。之後杜如風又品嚐特色法式班㦸,除咗有鹹味系「魚子醬雞蛋」,仲有臭味系「藍芝士配無花果」,魚子醬班㦸售價雖然高達150港元,但杜如風就十分欣賞兼爆咗句:「芝士同男人一樣, 我都係鍾意愈臭愈好」
貴價「魚子醬雞蛋」特色法式班㦸。
10號晚播出嘅一集,杜如風就去到表參道嘅名牌二手中古店,有購物狂之稱嘅佢,去到呢間名牌二手中古店當然失守啦!想知佢喺間舖度使咗幾錢同買咗啲咩?就記得留意第五集《解風東京》喇!

《解風東京》逢星期一至五 22:30 J2 82台

好似好好食咁。杜如風帶大家去豪食。

紅麴成份保健品爆食安問題 有人持續服用因腎臟疾病死亡

日本近日有含紅麴成份的保健品爆食安問題,一名疑似持續服用有關保健品人士因腎臟疾病死亡,更不少疑似服食該產品後住院個案出現,事件令人擔心紅麴安全,有香港市民服用紅麴產品多年擔心不已,藥劑師講解紅麴是甚麼及有何療效,估計今次出事或與消費者同時服用「他汀類」藥物產生疊加效應令腎臟受損有關。

 相關推薦

熱門搜尋