TVB熱播劇《隱形戰隊》噚晚（10 日）呢集三大女主角 Madam Q（唐詩詠飾）、邢風（劉穎鏇飾） 及 Shadow（劉佩玥飾）各自身陷險境。劇情講述邢風及Shadow等人為咗偵查活人狩獵案，不惜犧牲色相以水著Look混入「狩獵四人組」泳池派對，其間Shadow與邢風先後與Billy哥（容天佑飾）爆發衝突，邢風意外辣著「四人組」頭目鏗少（阮浩棕飾），對手鏈女有「仇恨情意結」嘅鏗少，遂鎖定邢風為下一個目標，混亂間Madam Q亦一同被麻醉槍打中及被捉走。

Madam Q與邢風為偵查活人狩獵案，邢風卻被鎖定下一個目 標，混亂間Madam Q一同被麻醉槍打中及被捉走。邢風意外辣著「四人組」頭目鏗少（阮浩棕飾），對手鏈女有「仇恨情意結」。
邢風一嘢整斷手上索帶，夠晒型英帥。

邢風整斷手上索帶，與 Madam Q 一起展開深夜森林逃亡。

二人先喺荒廢小屋中被水淋醒，之後經過數輪對峙，邢風整斷手上索帶，與Madam Q一起展開深夜森林逃亡，拿著獵槍及戴著夜視鏡嘅四人組，則從後追趕及射殺二人，最終邢風與 Madam Q兵分兩路，其間 Cool Sir雖然喺危急關頭救咗邢風，邢風卻喺掙脫期間撞樹重傷暈倒； 至於腳部嚴重受創嘅Madam Q，喺預告片中睇到Ocean緊張抱住Madam Q直奔，與邢風 一樣生死成謎……

Cool Sir 雖在危急關頭救了邢風，邢風卻在掙脫期間撞樹重傷暈倒。於腳部嚴重受創的 Madam Q，在預告片中見到 Ocean 緊張的抱著她直奔。

噚晚「活人獵殺」個案絕對係本周單元高潮所在，不少網民大呼緊張，讚劇集節奏明快，至於獲讚有特種部隊外形嘅劉穎鏇，受訪時笑指拍攝相關場口雖然辛苦，但佢覺得幾好玩：「未試過任何武器都冇，只能夠逃走，佢哋仲要有晒槍，我記得好似喺南生圍拍，我哋要利用好多位置走嚟走去。嗰一晚除咗要不斷跑嚟跑去，仲要跌落個榻榻米度，我嗰刻其實乜都冇諗，個 focus只係點樣做靚個動作。」談到難忘點滴， 怕凍嘅劉穎鏇笑指：「我覺得嗰場都算豁出去，個環境又污糟，又要瞓地下，又要撼落棵樹度，已經冇得顧慮太多，同埋嗰晚又係超級凍（之前拍泳池派對都係好凍），但我哋又要吓吓都噴濕個身，因為講我哋係畀人淋醒，所以係喺超級凍嘅情況下拍攝，每次一cut機都要即刻攞番件褸或溫暖爐保暖。」

阿 Moon 咁樣跳落去天佑度，呢場戲嘅「受害人」似係天佑多啲。阿 Moon 呢幕飲酒同搜身戲正呀。

噚晚Shadow因為要埋Billy身偷電話攞料，除咗「拜金女」上身向對方瘋狂放電外，又約對方飲酒；正當 Billy仔手多多摸大髀期間，因發現手機不翼而飛向Shadow 大發雷霆，其間更以搜電話為由對Shadow上下其手；相關場口亦係拍得相當緊張，觀眾生怕Shadow隨時會穿煲；談到與天佑拍攝如此場口會唔會尷尬，阿Moon讚台前幕後好專業貼心，所以拍得安心又放心：「因為我同天佑唔係首次合作，所以可以好直接溝通、去傾應該點做，監製Jazz亦有清楚指明我哋可以喺咩位做到咩效果，亦都有用鏡頭去遷就番，所以所有嘢都係點到即止，唔會話有咩唔舒服或者尷尬。」
阿 Moon 做拜金女好似。邢風就係呢一下激嬲咗鏗少。

《隱形戰隊》逢周一至五晚八點半翡翠台播映 

劉佩玥、張振朗、郭柏妍、陳山聰、丁子朗、林子善及監製文偉鴻拍攝劇集「奪命提示」期間為劉穎鏇慶生，場面歡樂。