Tyson Yoshi DaBaby輪流除衫 MC笑言自己以柔制剛

香港復常後，有唔少騷都接住舉行，呢晚MC張天賦、周湯豪、Tyson Yoshi同美國著名Rapper DaBaby就為音樂節《PUNCH LIVE 2023》演出。打頭陣嘅Tyson唱咗冇耐就已經除衫騷肌，搞到台下fans尖叫聲不絕。至於首次喺香港演出嘅周湯豪，一嚟就以廣東話冧fans，問大家有冇掛住佢，賣力唱完多首歌曲後，仲同樂迷承諾會再嚟香港演出呀。

同樣係首次嚟港嘅DaBaby，除咗有性感Dancers外，舞台仲有噴火效果，令台下fans再次High到爆。DaBaby唔只邀請fans上台玩遊戲，兼送出萬元現金獎，演出期間佢又走落台同歌迷近距離接觸，唱唱下仲索性撕爛埋件白色上衣，相當狂野！

而作為壓軸出場嘅MC，就自嘲歌單冇三位咁有爆炸力，所以自己決定以柔制剛畀令類享受大家：「有四位Bad Boys，我係其中一位，佢哋嚟硬嘅，咁我咪嚟軟囉！」MC話雖然自己未有可以炸全場嘅歌，但自己會拎出另類bad boys元素，之後就一口氣唱出《Loser》、《How Many Times 》呀。