黎諾懿暴飲暴食有尿酸問題 老婆投訴誓花3月變鋼條

平時成日都會露兩手煮幾味嘅 黎諾懿 呢日為一個健康產品拍攝廣告，鍾意得煮嘢食就多數係食神之一，難怪諾懿都話自己有尿酸問題，病發時真係有幾痛得自己知喇。

諾懿就認為同自己年輕時嘅暴飲暴食習慣有影響，加上鍾意飲兩杯同打邊爐，所以近年對飲食都有控制，太太仲會嚴管餸菜材料，啤酒就更加係違禁品喇。平時會用唔同健康產品管理身體嘅佢，仲話因為身形走樣被太太投訴，所以決心要好好操肌回復靚身形喎。

哲言3個月內要向大家騷肌嘅佢，仲話今次嘅成果要比當年影結婚相時更好呀。而佢仲話兩個囝囝慢慢長大，唔排除他日父子檔一齊上陣同大家見面呀。