近年一直各自投入分別製作唔同類型電影嘅 陳可辛 同 吳君如 ，去年成立新電影公司 Changin' Pictures ，佢哋仲喺今年終於正式復辦嘅香港國際影視展舉行業內派對，邀請過百位嚟自包括日本、韓國、泰國、美國、台灣嘅國際電影製作、製片人、發行商、銷售代理同國際影展策展人出席，希望可以藉機會令香港同國際電影人加強聯繫同認識，發掘更多唔同合作機會。

有份出席嘅香港代表有 古天樂 施南生 ，而曾任多個國際影展主席嘅知名影評Marco Mueller，日前喺亞洲電影大獎獲得最佳電影嘅《Drive my car》執行製作人定井勇二等等。而大型國際影視串流平台同製作公司高層，威尼斯國際電影節、多倫多國際電影節、東京國際電影節、釜山國際電影節、烏甸尼遠東電影節、紐約亞洲電影節嘅策展人亦聚首一堂。陳可辛廣邀訪港嘅國際電影人出席派對，當中包括曾任多個影展主朗嘅知名影評Marco Mueller

主辦呢次派對嘅陳可辛話，對公司未來發展充滿信心，將繼續加強香港製作同世界各地連結，打出新天地。而Peter原本係打算同過去幾年未能碰面嘅業內友好見面，最後舊雨新知聚首一堂，結果演變成一個過百人聚會，令Peter感到電影業嘅凝聚力。

林峯同胡子彤等亦都有現身同各地電影人交流
 
Chaning’ Pictures 喺舊年嘅釜山國際電影節宣布成立，當時公布嘅兩個韓國項目，現已進入製作階段。兩部劇集都改編自韓國網絡漫畫，原作喺當地大受歡迎，《ONE：High School Heroes》係關於被欺凌高中生，反抗欺凌者而變身為扶弱英雄嘅動作劇集。而《Heesu In Class 2》則會由K-Pop偶像演出校園愛情故事，主角包括《殭屍校園》嘅安智浩，同《我的室友是九尾孤》嘅金度延，故事講述四名高中生苦樂參半嘅戀愛日常。
 
而另一部由章子怡主演嘅犯罪懸疑驚悚作品《Mrs No Name》(暫名)，改編自一宗1940年代震撼上海灘嘅著名奇案，章子怡將飾演一名因被指控肢解丈夫而面臨死刑嘅女人。

年初三係吳君如媽媽冬嬸嘅舊曆生日，難得防疫措施放寬，君如即刻call齊親友幫冬嬸慶祝佢嘅91歲生日。

資深傳媒人汪曼玲喺社交平台上載咗冬嬸生日會嘅相，席上除咗有君如同老公陳可辛、囡囡陳是知、細佬吳君祥、陳可辛爸爸陳銅民外，嚟同冬嬸賀壽嘅仲有古天樂、黃秋生、佘詩曼與媽媽、高海寧、波姐馮素波、順嫂梁葆貞、袁文傑同太太等，可以話係星光熠熠，不過就未見君如爸爸冬叔夏春秋在場。

呢晚到場嘅賓客每人只須畀100蚊，當中50蚊會用嚟做Bingo獎金，而另外嘅50蚊就會捐去慈善機構做善事，呢排人氣旺盛嘅波姐，就同袁文傑兩個贏得Bingo嘅獎金。至於壓軸抽獎，吳君如、古天樂、黃秋生同佘詩曼等都各自拎咗一萬蚊出嚟抽獎，當中順嫂抽中3000蚊，而陳可辛嘅爸爸陳銅民就抽中4000蚊，不過佢就捐返晒出嚟畀大家再抽過，務求令大家皆大歡喜人人有獎。