盛傳下月與竇驍於峇里舉行婚禮何超蓮現身廣州未有提及婚事

娛樂新聞

2023-03-16 13:30

何超蓮早前被爆將會喺4月同男友竇驍喺峇里舉行世界婚禮，雖然兩位當事人都冇回應，但係蔡卓妍早前就話喺巴黎撞到超蓮時，已經間接咁恭喜咗對方。

雖然未知超蓮下月係咪會披嫁衣，但呢日佢就着上簡潔嘅白色吊條連身裙，現身廣州一個活動，佢仲同大家分享打扮心得。至於同場嘅任嘉倫就分享自己同廣州嘅淵源，仲話出活動前，有特別睇下會唔會經過以前自己成日去嘅地方呀。

傳婚訊後首次合體現身超蓮竇驍繼續保持神秘

早前傳出4月即將會喺峇里舉行世紀盛大婚禮嘅何超蓮，喺香港出席活動時拒答又有助手擋駕令場面引起混亂。而呢日佢同男友竇驍喺傳出婚訊之後就首次公開合體，喺深圳出席品牌活動，不過就依然保持神秘，完全未有提及婚事喇。

喺活動只係回應同穿搭打扮有關問題嘅佢哋，只係提及喜愛嘅打扮風格同顏危配襯咋。而同場現身嘅仲有結婚多年嘅袁詠儀同張智霖，呢日現身仲著同一色系襯到絕，又賣晒口乖話店中產品都非常鍾意，不過Chilam就似乎對店鋪見到嘅一副麻雀最鍾情喇。