近年潛心喺內地發展嘅 周柏豪 近日正式返港,近日接受 許文軒 Edmond Hui 《StarTalk》訪問嘅佢仲推出全新歌曲《小船大海》,更由90年代作品無數嘅 柳重言 出山創作,而新作亦係同大師嘅名作《單車》一樣,細訴同爸爸之間嘅感情關係。
男士同爸爸之間嘅關係,往往都甚少宣之於口,柏豪就話爸爸永遠唔會同人爭執,甚至未曾鬧過自己。柏豪近年離闔屋企北上闖檔,要離開太太同年幼子女,平時都只能夠以視像同佢哋「見面」,隔住屏幕同枱食飯,只能依賴太太一人陪伴,所以返港之後柏豪就將自己所有時間都用嚟陪佢哋補數喇。
幾個內地綜藝節目,除咗合作藝人多,學到嘅見到嘅更多,除咗邊跟拍檔前輩學習,亦係把握好令自己進步嘅機會。一度擔心大為落後嘅佢,咬住牙關頂硬上,用更多時間排練迫出潛能。
除咗推出新歌,柏豪原來亦正準備新一個巡迴演唱會,亦有唔少作品正準備推出,不過過往都有自己創作嘅佢,就話因為心機近年轉移到子女身上,所以就集中親子當中,所以之後要搵多啲靈感先再可以投入唔同創作喇。
登入後即可查看我的收藏
登入後即可查看瀏覽記錄