林峯近日接「荷媽」李司棋棒，成為同一品牌新冠肺炎抗體組合藥物大使，呢日為廣告拍攝造型照，成家立室嘅林峯，經常要去唔同地方工作，跟唔同嘅人見面，雖然疫情稍遏，仍然有不少人感染，林峯坦言家中有大有小，外出工作都特別小心。

林峯呢日為廣告拍攝造型照。
林峯希望是次參與推廣新冠肺炎抗體組合藥物，可以讓市民喺疫苗以外，有其他更好預防新冠肺炎選擇，廣告拍攝早前完成，攝影師要求林峯喺拍攝「型仔」硬照之餘，提出做「表情四連拍」，佢笑稱好久冇被要求做呢啲得意表情，感覺有點生疏。
林峯笑稱好久冇被要求做呢啲得意表情，感覺有點生疏。