陳嘉桓近年主力做皮紋分析工作，最近上映電影《風再起時》，現年30歲嘅陳嘉桓曾於2012年及2015年分別出過泰國及韓國旅遊書，今年佢計劃再出書，今次係皮紋分析書，希望藉着呢幾年對指紋嘅研究，陳嘉桓聲稱出書去做慈善並幫助家長跟孩子溝通，特別是90後新一代家長，點樣教養小朋友，又或者移民去到新環境會唔會適應到。

陳嘉桓聲稱出書去做慈善並幫助家長跟孩子溝通。
陳嘉桓對工作滔滔不絕，被問及有冇拍拖時，佢笑言：「拍拖唔特別講啦！」陳嘉桓又指工作好忙，連陪家人及愛犬嘅時間都好少，坦言搵另一半比較隨緣，有時遇到性格複雜嘅男士就唔係幾啱，期望之後睇吓有冇識到個啱先再算。
陳嘉桓為小朋友採指紋。

彭健新、林雪、鄧兆尊、陳彥行、陳嘉桓及路芙亮相《開心無敵獎門人》，迎戰五位「東張」靚女主持，彭健新同林雪全程發放笑彈成為焦點，玩「彈遮遮」時，彭健新搶答問題，累林雪由頭濕到落腳。

林雪投訴彭健新識唔識答都搶住撳制：「佢成日走去撳鐘，唔識就謙虛啲等啲識嘅人撳，佢又唔識又亂撳，撳完叫你答。」彭健新解釋係尊重隊友，陳彥行笑稱避過玩「開心無敵估嘢食」，佢哋仲諗邊個同林雪背對背玩遊戲，彭健新稱本來安排陳彥行玩，不過呢個遊戲cut咗。

而「東張」靚女主持梁敏巧大騷智慧，答中不少問題避過濕身，利穎怡更讚彭健新搶撳制答錯，「拯救」佢哋唔使淋水太耐。