73歲導演徐克與比佢年輕30歲嘅女友樂樂，相戀多年一直感情穩定，愛得癡纏，近日有內地報道稱 徐克與女友樂樂喺街上散步回愛巢，沿途有講有笑，盛傳其女友肚凸凸疑似懷孕，火速登上微博熱搜第一位。

呢晚洪金寶出席香港電影導演會周年晚宴暨年度頒獎典禮，對於好友徐克傳出將要當爸疑雲，洪金寶就話自己冇聽過，仲話如果係真嘅就要恭喜佢，佢笑對方有心有力好犀利，不過大哥大話上個月先同徐克食過飯，但對方冇講過呢件事，亦唔覺對方特別春風滿臉，只係好似平常咁開心滿臉。

大哥大又話自疫情解封後，終於有機會無罩見到大家，佢話而家發現朋友係好重要，同好多老友都好耐冇見，特別疫情時就見得更加少，大哥大話自己暫時未中過招，所以依然會好小心，問到佢嚟緊會唔會同朋友傾下啲電影大計？佢就笑言如果自己拍動作電影就肯定會係燒錢嗰種「敗家仔」，再問到佢會唔會喺席間飲多幾杯就會成事可以開拍？大哥大就話自己呢晚只會飲水呀！

徐克與樂樂早於2011年喺網上相識，徐克讓樂樂擔任其私人助理，二人舉止親密，曾被影到撓手同行，摸臉嘅甜蜜互動。有指徐克前妻對於徐克與樂樂關係早已知情，於2014年正式宣佈已跟徐克離婚。徐克回復單身後，曾被影到與樂樂撐枱腳，助手樂樂更戴上鑽戒，經常形影不離。

香港著名導演徐克現年73歲，只從2014年與前妻施南生離婚之後，正式與比他年輕30歲的女友樂樂拍拖，兩人愛得纏綿，不只一次被媒體「捕捉到」；日前更被內地媒體影到兩人十指緊扣散步，不少眼利的網民發現徐克女友樂樂疑似懷孕，引起網民激烈討論。
徐克與前妻施南生1978年已經認識，到1996年才結婚，可惜婚姻展維持了18年，兩人亦沒有孩子；據當年媒體報道，2011年除黑變色現時女友樂樂，工作期間兩人過度親密，甚至兩人的曖昧關係是徐克與施南生離婚的導火線。