鄭秀文早前去咗法國拍攝今年第一首派台作品《愛是...2.0（feat.好青年荼毒室）》嘅MV，當中佢換上多套靚衫，又穿梭喺唔同嘅巴黎靚景嚟拍攝，當中仲去咗一間超過200年歷史嘅古老建築，同電影《INCEPTION》內出現過嘅比爾阿克姆橋（Pont de Bir-Hakeim）上拍攝，絕對係靚人靚景。

畫面上大家睇到唔同嘅唯美畫面，但其實Sammi話拍攝時其實天氣超凍，而為咗要去多個景點拍攝，所以佢哋天未光就要起身開工。由於MV入面多套靚衫都有露背露肩，所以喺唔使埋位時，Sammi都要即刻披上厚厚嘅羽絨大褸同攬任暖水袋嚟取暖，雖然凍到牙關打震，但Sammi話可以喺呢啲旅遊景點度拍MV，令佢相當開心。

講到今次重製呢首舊作，Sammi話感覺好似發緊夢咁，無諗過可以完成到呢件事，仲話呢首歌係自己好鍾意好鍾意嘅新歌呀！

無綫綜藝歌唱真人騷《中年好聲音》，周日（26日）晚播出最新一集，是第五部曲次回合《譚校長金曲！爭入12強！》，15強選手輪流獻唱校長譚詠麟金曲爭入十二強。

「英國豪」羅啟豪獻唱<無邊的思憶>，譚校長分享拍攝此曲MV時成為焦點，因為那時候的髮型像極港版「Lionel Richie」一樣，非常搞笑。羅啟豪貴為上一集MVP，憑着高水平的演繹到位，成功取得84分！譚校長：「呢首歌歌詞算好快，好難唱，你有兩個層面的聲音，如果你夾埋表情，會相得益彰。」肥媽認同：「其實校長啲歌唔易唱，呢首歌由低音到高音，節奏亦都好難捉。」校長補充：「呢首歌要好似蝶泳咁，捉緊啲抖氣位。」