王鎮泉 Jeoffrey 每星期為你提供最熱辣電影資訊，中外猛片專訪花絮上映時間全部集齊。「電影泉攻略」每周四買定爆谷陪你睇新戲。

香港影視娛樂博覽2023經已啟動，其中一個重點項目就係香港國際影視展，好多本地同世界各地影視公司都積極參展，為求吸引大家嘅視線，好多攤位設計得別出心裁，一邊打卡一邊了解香港電影，而各大電影公司都把握機會搞活動造勢，仲請嚟份量十足嘅影星同電影人撐場，同時亦有好多動畫作品參展，影視展係一個好好平台畀業界交流。

呢個禮拜嘅新片速遞有DC超英電影《沙贊！眾神之怒》，又有妻夫木聰12年後再封影帝之作《那個男人》，仲有講述意外斷手小男孩嘅《平凡英雄》，另有《中國乒乓之絕地反擊》影片取材於90年代初國乒男隊低谷時期嘅故事。

本周票房龍虎榜截至3月15號中午，第3位係黃子華主演嘅《毒舌大狀》、第2位有郭富城同林家棟主演嘅《斷網》、第1位繼續係日本動畫導演新海誠編劇兼執導嘅動畫電影《鈴芽之旅》。

王鎮泉 Jeoffrey   每星期為你提供最熱辣電影資訊，中外猛片專訪花絮上映時間全部集齊。「電影泉攻略」每周四買定爆谷陪你睇新戲。

《閃電俠》男星Ezra Miller早年是非不斷，令呢部超英電影一度傳出會腰斷或者易角，但隨住官方釋出最新預告片，大家嘅疑慮就全消。呢部戲除咁獲得公司高層James Gunn大讚外，有傳獲電影公司送片去屋企先睹為快嘅Tom Cruise睇完都非常鍾意。

呢個禮拜嘅新片速遞有《殺神John Wick4》，緊接些集墮樓劇情，今集講John Wick畀新嘅殺手集團話事人落江湖追殺令，連佢嘅昔日戰友、甄子丹飾演嘅盲人刺客都加入追殺行列。《LOVE LIFE》講述一對恩愛小夫妻，因為幼子意外而改變，正當太太頓失方向時重遇前夫，更加令佢陷入婚姻危機。2013年伊斯蘭極端組織控制咗伊拉克同敘利亞地區後壓迫當地居民，除咗對違反戒律嘅人處以極刑，同時亦禁止一切音樂、文化創意與娛樂，而根據呢個真實事件改編嘅電影《戰地孤聲》，就無講述一個20幾歲嘅鋼琴家喺當地追夢嘅過程。《微笑與夏溫》係翻拍電影《七月與安生》，講兩個性格折然不同嘅知己，遇上醫科男生而遇到唔同嘅際遇。

揚威國際影壇嘅楊紫瓊同關繼威，觀眾將會喺串流平台嘅新劇見到佢哋再次合體演出，當中仲有吳彥祖同新加坡演員黃經漢演出。