之前曾義演《攜手瞳行慈善音樂劇》嘅 陳明憙 陳凱彤 黃劍文 劉智衞 同電台主持 陳永業 加上唐韋琪，日前現身由視障跑手Gary 梁小偉 創辦嘅「不倒翁共融運動協會」三周年感謝宴，Gary仲帶同好拍檔導盲犬Gaga一齊出席。Gaga現身仲搶盡風頭，大家仲爭住同佢合照，唐韋琪 仲笑言：「Gaga影相仲識望鏡頭，不過當主人Gary要行動時，Gaga就即時專業地專心照顧同保護主人，睇到我好感動。」Vikki呼仲籲大家要尊敬同保護導盲犬。

兩年前就曾為「不倒翁共融運動協會」籌款義演《攜手瞳行慈善音樂劇》嘅佢哋，Gary仲話為咗答謝大家落力幫忙籌款，趁防疫措施放寬，即刻就安排感謝宴答謝義工喇，劉智衞仲話好榮幸可以喺音樂劇當中飾演教練呀。

而曾經跟Gary蒙住雙眼體驗視障人士跑步嘅 黃劍文 ，「當時真係好驚，親身體驗過視障人士漆黑中跑步後，好感恩自己睇到嘢，所以大家一定要支持Gary「不倒翁共融運動協會」鼓勵視障人士運動強身健體，扶助殘疾人士擴闊生活圈子。」