80年代影星曹查理近年轉戰內地，曹查理、李子雄及黃一山日前喺深圳出席一間餐廳開業活動擔任剪綵嘉賓，見73歲曹查理身形明顯發福不少，而63歲李子雄身穿白色西裝頗為帥氣。

曹查理、李子雄及黃一山日前喺深圳出席一間餐廳開業活動擔任剪綵嘉賓。

73歲曹查理身形明顯發福不少。
當晚身穿西裝嘅曹查理喺台上唱《上海灘》，唱歌時聲如洪鐘，不過佢唱晒成首歌明顯有啲吃力，曹查理陶醉地唱到副歌時表示：「拍電影拍咗40多年……感謝大家給我支持，現在還可以出來跟大家碰碰面，感謝你們支持。」之後有工作人員上台獻花。

身穿西裝嘅曹查理喺台上唱《上海灘》，唱歌時聲如洪鐘。
曹查理2年前註冊抖音帳戶，內地網民對佢拍經典作《整蠱專家》飾演藥房「單眼老」賣春藥，「鹹濕」形象深入民心，加上佢拍過不少有趣搞笑港產片，喺內地大受歡迎。
80年代影星曹查理近年轉戰內地，閒時相約黃一飛等朋友飲茶相聚。