呢日舉行嘅一個美容活動邀請咗唔少藝人到場，不過咁多位嘉賓似乎都被 超Deep V性感打扮嘅 李幸倪 搶晒風頭，減肥十幾磅之後嘅佢呢日一身打扮盡收現場目光，佢仲話都係靠持續瘋狂練舞得嚟嘅好成績嚟呀。

啱啱推出新歌冇幾耐嘅佢，又話每日都要落力排練，佢仲話除咗新舞曲之外，亦都會有唔通風格嘅新歌會陸續推出呀。而 關智斌 早前獲好友阿Sa送贈耳環，呢日Kenny就戴住現身活動，被取笑揀飾物眼光差嘅佢，就話要買返禮物回禮呀。

而2020年生小朋友之後甚少公開現身嘅 周勵淇 ，又話小朋友開始返學之後，自己會陸續喺唔同作品現身演出，仲話想同新生代一輩演員合作演出，又大讚無論年青歌手同演員都一樣有唔錯表現呀。

TVB新劇《隱形戰隊》，自播映以來，「誘惑擔當」劉佩玥（Moon）飾演Shadow一角極受歡眾歡迎，雖然表面進取、硬淨又貪靚，但背後卻有著悲慘身世。Shadow因為有個爛賭爸爸，自小不但要四出避債，母親過身後更擔起為爸爸還債重擔，其父更強逼Shadow出錢給他結婚，幸得Ocean英雄救美，甜在心頭的Shadow乘機邊跳飛機邊示愛，不但向Ocean投懷送抱，更極可愛地做出「撒嬌最佳示範」。

上周劇情再爆新個案，兩名恐怖分子巴翼（廖家爵飾）及馬雷（李偉霆飾）一出場便連環殺人，甚至當街當巷下手，甚有張力，三大重要單位陷入極大危機！

無綫官方社交網連放兩條預告片，今晚（20日）劇情講述，為了追查恐怖分子巴翼及馬雷，Shadow與辛Sir（吳家樂飾）分別「喬裝」一樓一鳳及唐樓住客，近距離埋恐怖分子身進行調查，Shadow亦因惹火「一樓一」打扮惹禍。預告所見，身穿V領性感絲質睡衣的Shadow風騷返回單位，就在準備關門之際，巴翼強行登門造訪表示要「幫襯」，大感慌張的Shadow為了力保「一樓一」身份免穿煲，情急智生以月事作借口企圖脫身，最終當然難敵「霸王硬上弓」的巴翼，被捉實兼遭整個人拋在床上，情況危急。

阿Moon在預告片中再度大晒逆天長腿，不但修長度讓人羨慕，就連白滑度也備受關注，加上角色性格討喜，劇集熱播後成功入屋。阿Moon還大方分享美腿兩大心得，就是適當運動及飲水：「其實我細個唔係好高，直至去到大約中四先至突然開始長高，我諗都關我鍾意運動事。因為以前有打排球，我又好鍾意跑步，所以我覺得做運動同成日飲水都會令到個腳形靚啲。」
劉佩玥逆天長腿劉佩玥一樓一鳳造型遇險劉佩玥一樓一鳳造型遇險劉佩玥一樓一鳳造型遇險